稻香酒樓推出$1鮑魚雞煲的限時宵夜優惠,食完仲可以加點食物繼續打邊爐;日前有5位大叔光顧時卻只點了2個$1雞煲,食完便埋單離去,晚餐連同茶芥附加費,合共僅花$79。而人均只需$15.8的價錢就引起網民熱議!

消費券6大支付平台發放時間表

稻香$1鮑魚雞煲 5大叔淨食2雞煲埋單人均$15.8

各大餐廳都會不少推出各種優惠吸引食客,以達至宣傳效果。有網民於Facebook群組「耆英長者老人家搵外快 求職群」發文分享於旺角稻香酒樓的飲食優惠。他與4名朋友於上周五(8月5日)晚上結伴到酒樓聚會食飯,適逢酒樓推出晚飯及宵夜優惠,他們便叫了2個「$1鮮鮑魚雞煲」享用。他表示當時一行人還打算叫另一款、價值$28的氣鍋湯,惟落單時店員指該氣鍋湯已售罄,5人亦沒有再加點其他食物。

稻香1蚊鮑魚雞煲 ctb000 5大叔淨食2個稻香$1鮑魚雞煲
5大叔淨食2個稻香$1鮑魚雞煲(圖片來源:Facebook@耆英長者老人家搵外快 求職群)

從事主親自上載的5人打卡照可見,他們一行人桌上除了2個$1鮑魚雞煲外,便只有餐具及熱茶。他表示最終與友人僅吃了2個雞煲便埋單離去,雞煲連晚市茶芥費用,賬單總數僅為$79,即人均只需$15.8。

稻香$1鮑魚雞煲 稻香1蚊鮑魚雞煲 ctb000 事主親自上載的5人打卡照
事主親自上載的5人打卡照(圖片來源:Facebook@耆英長者老人家搵外快 求職群)

稻香$1鮑魚雞煲 稻香1蚊鮑魚雞煲 ctb000 雞煲連晚市茶芥費用,賬單總數僅為$79,即人均只需$15.8
雞煲連晚市茶芥費用,賬單總數僅為$79,即人均只需$15.8(圖片來源:Facebook@耆英長者老人家搵外快 求職群)

網民反應兩極 大種乞衣 vs 跟足遊戲規則

5位大叔只食$79雞煲引起網民熱議,不少網民認為大叔們的行為像極大種乞衣,批評他們佔用酒樓飯枱晚飯,卻只吃了2個$1優惠雞煲,並無加購其他食品,做法小器又肉酸:「好肉酸囉,幾個大人咁食法,仲要話俾人知好叻咁」、「衰過乞衣」、「叫多兩個送幾支啤酒會死咩?」、「面皮有幾厚先做得出呢?」、「人哋打開門口做生意,燈油火蠟人工乜都係成本,你幾個大男人走去攞完人着數仲post晒大特寫出嚟,好似展示勝利姿態咁,過唔過意得去呀?」

稻香$1鮑魚雞煲 稻香1蚊鮑魚雞煲 ctb000 5位大叔只食$79雞煲引起網民熱議
5位大叔只食$79雞煲引起網民熱議(圖片來源:unsplash@Markus Winkler)

但亦有網民認為酒樓打開門做生意,再加上條款中沒有限制他們的做法,有跟足遊戲規則,因此一行人只食$79蚊完全沒有問題:「跟足酒樓規矩都要比人話酒樓set咁既優惠出嚟,無人迫佢做㗎喎」、「明買明賣,唔明有咩好鬧」 、「鐘意點叫咪點叫,你開門就預咗㗎啦」、「人哋搞咗20幾年活動,實知有無賺,飲食最重要就係人流,無客蝕租人工材料成本」、「豐儉由人,一方願買,一方願賣,有乜問題」、「推廣政策不是什麼新鮮事,推得出嚟就預咗有呢啲客」。

稻香$1鮑魚雞煲 稻香1蚊鮑魚雞煲 ctb000 但亦有網民認為酒樓打開門做生意,再加上條款中沒有限制他們的做法,有跟足遊戲規則,因此一行人只食$79蚊完全沒有問題
但亦有網民認為酒樓打開門做生意,再加上條款中沒有限制他們的做法,有跟足遊戲規則,因此一行人只食$79蚊完全沒有問題(圖片來源:Facebook@耆英長者老人家搵外快 求職群)

事件是怎麼一回事?

有網民於Facebook群組發文分享於旺角稻香酒樓的飲食優惠,指他與4名朋友早前晚上結伴到酒樓聚會食飯,他們便叫了2個「$1鮮鮑魚雞煲」享用,當時還打算叫另一款….詳情請看

網民對事件有何反應?

網民對事件反應兩極,不少網民認為大叔們的行為像極大種乞衣,批評他們佔用酒樓飯枱晚飯;但又有網民認為…詳情請看

圖片來源:Facebook@耆英長者老人家搵外快 求職群、unsplash@Markus Winkler