日前有網民於Facebook群組「香港街市魚類海鮮研究社」發文表示，她購買了一隻長腳蟹回家料理，當她打算處理長腳蟹時，赫然發現蟹身下方、蟹掩的位置漲起一大塊，猶如生腫瘤！在她所上載的影片中，可看到事主多次試圖利用菜刀𠝹開及篤穿漲大的蟹掩，但蟹掩內似有大量液體，難以𠝹開作處理。為了食物安全及好奇心，她便拍攝影片及相片上載到Facebook群組：「請問有冇人知呢個係咩嚟？」希望有網民可以解答到她心中的疑問。
網民集體錯重點
「香港街市魚類海鮮研究社」的網民看到她的發文後，不是第一時間回答她的疑問，而是集體笑說她的菜刀超鈍，蟹掩在她的菜刀「摧殘」下也毫無破損：「善良的刀」、「把刀會唔會鈍咗啲？」、「佢外表係把刀，其實係個指甲挫」、「你係咪調轉咗把刀嚟用？」、「蟹 : 兄弟，可唔可以嚟個痛快呢？」
也有網民與她一起猜測：「前列線發大」、「蟹春袋？」、「蟹奴」、「屎忽，入面都有舊肉」、「隻蟹食錯嘢，準備肚痾」、「呢個部份係換蟹殼之前的軟組織」、「做乜係咁搞人哋個袋袋？」
但後來也有不少知情網民回應她：「如果你扔咗成隻蟹，扔之前話我知，我去接住」、「成隻蟹最好食就係佢」、「食咗會高膽固醇嗰啲囉」、「呢舊肉先係好嘢， 唔係隻隻蟹都咁大抽㗎」，究竟這個「腫瘤」的真身是什麼呢？
海鮮檔老闆：「腫瘤」可放心食用
最後終於有醒目網民解答她的疑問，其實「蟹掩腫瘤」內部的液體真身正是「長腳蟹蟹膏」！有網民就教她應如何處理：「如果係生猛嘅就唔使剪佢住，蒸熟咗去先攞把鉸剪一下剪啦！」、「入面嗰啲係蟹膏同水，刀唔入可用剪，先開少孔放了多餘嘅水，稀稀黄色的是蟹膏，可以同蟹一齊食，或用嚟蒸水蟹，好甜，我上次買嘅就係咁！」
紅磡街市「好運海鮮」老闆洪女士接受《GOtrip》編輯部查詢時表示，「蟹掩腫瘤」的真身的確是長腳蟹蟹膏，一般蟹膏會存放在蟹掩及蟹蓋之內，所以照片中的「腫瘤」其實可放心食用。
