次次去親 澳門 都係啲例牌行程,總會厭嘅。澳門出名小食多,原來橫街窄巷有好多又靚又有格調嘅 cafes,下次嚟個文青遊,行下 氹仔 、 巴黎街 嘆杯咖啡食件cake,享受澳門寧靜嘅一面啦!

相片來源:新傳媒資料庫

01 | 北海道第一芝士蛋糕 Pastry Snaffle’s

日本北海道函館出名嘅 Pastry Snaffle’s 輕乳酪蛋糕店,產品 Catchcakes 有北海道第 一芝士蛋糕的美譽!蛋糕由日本空運直送澳門,保證新鮮,材料都係日本貨。澳門店唔大,但勝在裝修精緻高貴。

Snaffle’s Macau
地址: 氹仔 水鴨街 15 號喜來登廣場地下 C 座
電話:+853 2857 6081
營業時間:10:00am-10:00pm

02 | 日系西餐 赤坂咖啡

赤坂咖啡室內牆壁以白色磚塊砌成,店面採用落地玻璃,坐喺入面 chill 住嘆咖啡望出去感覺好開揚,令人放鬆。特別推介咖啡類,咖啡係即磨,而且仲可免費續杯一次,想滿足眼球嘅話,點 latte 仲有精緻拉花,賣相吸引。

 

赤坂咖啡
地址:澳門 巴黎街  117 號大豐廣場第二座地下 Q 舖
電話︰+853 2875 5777
營業時間︰12:00nn-10:30pm(星期一至日)
至抵小提示:依家用 Visa 卡去赤坂咖啡消費,可以尊享 9 折優惠!

03 | 台灣文青味 樂點咖啡

咖啡店好有台灣巷弄嘅 cafe 感覺,簡約清新,以動物插畫、掛畫等作裝飾,充滿歡欣。賣嘅都係甜點、輕食、小吃,賣相令人好歡愉,榴槤蛋糕係完整一個榴槤造型、超厚身嘅 pancake 仲有流心,食物上加入超人氣嘅蛋黃哥(梳乎蛋),令人大愛。

樂點咖啡
地址︰鏡湖馬路 72 號臻華大廈地下 A 舖
電話︰+853 6361 2723
營業時間︰12:00nn-8:30pm(星期二至日)

04 | 澳門 cafe熱始祖 卡夫卡

澳門首間法式甜品店,3 年前開業至今一直人氣高企,亦因為佢令澳門嘅 cafe 愈開愈多。店內供應嘅法式糕點賣相精緻,有意粉、鬆餅、honey toast 等食物。甜點以唔同地名、名勝命名,例如泰姬陵、白朗峰、開羅,不論造型抑或做法,每款都好有心思!

卡夫卡
地址:馬場氹仔布拉格街 152 號
電話:+853 2882 0086
營業時間:1:30pm – 10:00pm(星期一休息)

05 | 早起的鳥兒有得食 Isaac Toast & Coffee

大家一定好羨慕澳門人,因為唔使飛去韓國都可以食到 Isaac 嘅吐司。壓烤蜜糖麵包,特製醬汁,熱熔芝士加上火腿,或者安格斯牛肉,通通都係 Isaac 嘅招牌食物,絕對係去澳門過完夜第朝起身嘅 comfort food 呀!

Isaac Toast & Coffee
地址:澳門龍嵩正街 8D 祐生大廈地下 A1 座
電話:+853 2832 9993
營業時間:8:00am-8:00pm


出發去澳門文青遊之前,想知更多澳門餐飲優惠?即 click:

前往澳門有哪些交通方法?

可以選以金巴港澳快線金光飛航噴射飛航,即睇澳門交通2023懶人包。到達澳門後,則可坐輕軌氹仔線,途經碼頭、機場、多間酒店及主要旅遊區,澳門自由行時交通更加方便!即刻了解一下車站地點及列車設計等資訊。而澳門酒店由設計到設施都非常出色,GOtrip編輯整合澳門近年新開酒店情報,大家可Bookmark定,即睇:澳門酒店推介

有什麼澳門好去處?

澳門有不少新設施及全新好去處,其中澳門賭場必去景點食買玩介紹,玩轉澳門!然而,澳門美食眾多,除了豬扒包,也可到各大酒店享用自助餐及打卡必去的陽台Cafe當半日文青。