等到喇,終於等到澳門 巴黎人 開幕喇,記者Venus呢兩年見證著鐵塔長大,上周更有幸於9月13日正式開幕前率先直擊。耗資百億的 巴黎人 興建近3年,等到頸都長,鐵塔按真身1:2比例興建,之後晚晚有閃燈表演,酒店又復刻咗大量巴黎地標,勁多details 浮誇位,著到靚一靚打卡先對得住自己。等我「瓹窿瓹罅」集結影相位大全,餵飽相機啦!

採訪:Venus@天才女行社 攝影:Mark

01 | 平台影鐵塔( 6/F)

鐵塔觀景台門票分7及37樓兩個價錢,慳妹我寧願去收費區入閘位前的平台仔影下相。由酒店5樓鐵塔禮品軒經過艾菲爾真鐵塔歷史長廊,上一層就到售票處,一推門外出就係平台喇,仲有少少位先到閘位,呢個角度影塔唔錯架!

02 | 鐵塔餐廳門口(6/F)

酒店主樓6樓有接駁橋通往鐵塔餐廳La Chine,非常有電影感,一定要影。

03 | 巴黎人宴會廳走廊1/F

連接至威尼斯人之通道一出可見展覽室場地,即使走廊裝潢亦不馬虎,全用Tiffany Blue 牆紙配亮金色調,唔影好嘥。

04 | 酒店大堂(1/F)

大堂天花參照了巴黎第七區榮軍院Les Invalides,拱形天花由12支大里石柱支撐,兩側鋪以法國石灰岩及大理石,金得來唔娘。

05 | 酒店服務大堂(1/F)

深藍色客戶服務大堂極典雅,以為去了博物館!

06 | Check-in大堂(1/F)

長方形check-in大堂極具氣派,最多可開20幾個櫃位。

07 | 旺多姆圓柱(3/F)

酒店直Copy法國凡登廣場Place Vendome中間聳立的圓柱,仲有成57米咁高。之後可以到ChampsElysees 香榭麗舍大道、Avenue Montaigne 蒙田大道Shopping,去法國唔使搭飛機!

 

$1,398起 巴黎人開幕優惠

入住日期:9月14日至明年2月28日
預訂日期:即日至明年2月28日
住宿:巴黎人雙人豪華大床客房(包早餐或午餐兩份、鐵塔觀景台7樓入場券或THRILLER LIVE C區門票兩張、限量版開幕禮物兩份)
交通:由氹仔客運碼頭乘接駁巴士前往酒店約12分鐘
查詢:www.parisianmacao.com

 

睇下有咩正嘢:

前往澳門有哪些交通方法?

可以選以金巴港澳快線金光飛航噴射飛航,即睇澳門交通2023懶人包。到達澳門後,則可坐輕軌氹仔線,途經碼頭、機場、多間酒店及主要旅遊區,澳門自由行時交通更加方便!即刻了解一下車站地點及列車設計等資訊。而澳門酒店由設計到設施都非常出色,GOtrip編輯整合澳門近年新開酒店情報,大家可Bookmark定,即睇:澳門酒店推介

有什麼澳門好去處?

澳門有不少新設施及全新好去處,其中澳門賭場必去景點食買玩介紹,玩轉澳門!然而,澳門美食眾多,除了豬扒包,也可到各大酒店享用自助餐及打卡必去的陽台Cafe當半日文青。