澳門美食多籮籮,所以 新年澳門掃街 又點少得食!不想錯過美食,又不想漫無目的地吃,撐壞肚皮,就要有專人帶路!為大家推介鄰近 大三巴及官也街 內的平民美食,提供埋各店農曆年休市啟市時間,包無食錯!

文:Elaine、Rita (新假期) | 攝:Chi、Mark (新假期)

01 | 新英記古法碳烤豬扒包

兩片麵包皮入口鬆脆,仲有淡淡牛油香,老闆用鐵絲網夾住塊皮在炭爐上慢慢烘熱,唔似用微波爐快速翻熱咁又乾又硬。豬扒亦煎得夠水準,肉汁超多口感 juicy,又搥得夠薄身,唔會硬綁綁咬到牙痛!

新英記咖啡麵食

地址:沙梨頭惠愛街 2B-2C 號雅佳大廈地下
營業時間:7am-5:30pm (初六啟市)
電話: +853 6223 7828

02 | 澳門胡椒餅

用獨家碳烤方法炮製,令烤出來的餅能夠平均受熱,更能鎖住豬肉的肉汁以及胡椒的香辣味。熱呼呼的胡椒餅到手時,仲可以嗅到外皮的芝麻香。餅皮看起來有點硬,但入口出奇地鬆軟,徒手撕開餅皮亦無難度!

台灣帝鈞碳烤胡椒餅

地址:新馬路大炮台街 1C 地下 (本店)、澳門大堂巷和翠台地下 A 座 12-E (分店)
營業時間:11am-9pm (新年無休) / 11am-10pm
電話: +853 2836 2363

03 | 米芝蓮叉燒包

雖然當日落雨,但生意仍然滔滔不絕!食物全部都大大件真材實料,個叉燒包有兩隻手掌大,餡汁唔會太多茨,新鮮出爐熱辣辣脹卜卜,食落好鮮味。

昌盛咖啡粉麵店

地址:新橋(三盞燈/白鴿巢)道咩啤利士街 11 號 B 舖地下
營業時間:7:00am-8:30pm

04| 滑滑豆腐花

榮記荳腐憑著真材實料,多年來堅持以黃豆磨製豆腐而不加石膏粉,新鮮磨出的豆腐滑嫩又有豆香,炮製成多款豆腐料理!號稱磨出全澳最滑豆腐的榮記,聞說當年葡萄牙總統到澳時都有食佢架!

榮記荳腐

地址:新馬路果欄街 4 號地下
營業時間:8:30am-6:30pm (初五啟市)
電話: +853 2892 1152

05| 意大利手拉雪糕

檸檬車露的雪糕標榜脂肪含量只有 0-8%,比一般雪糕的 13%遠為低,每日新鮮製造以健康、低脂及創新口味的雪糕為宗旨。招牌檸檬車露口味的雪糕有香濃的檸檬味,感覺似飲檸檬沙冰。

檸檬車露
地址:新馬路大堂巷 11 號地下
營業時間:11am-11pm (新年無休)
電話: +853 2833 1570

06) 老字號榴槤雪糕

80 多年老字號的莫義記,其榴槤雪糕早已家傳戶曉,一開蓋隨即飄來榴槤之香。如果不吃榴槤,可以一試木糠布丁,上面鋪滿餅屑,低下的口感則似雪糕,又似奶凍,冰冰涼涼。

莫義記
地址:氹仔舊城區官也街 9 號 A 舖
營業時間:9am-11pm (新年無休)
電話: +853 6669 5194

07) 鬆脆軟滑葡萄撻

長年都好多人排隊,位置方便,撻皮搓得夠薄夠鬆化, 濃郁牛油香和淡淡奶香,再加上微甜蛋黃餡,口感軟滑,入口即溶。$10 一個,超抵食!

安德魯餅店
地址:路環市區戴紳禮街1號地下
營業時間:7am-10pm(新年無休) , 2月6日:7am-7pm
電話: +853 2888 2534

08) 百年餅家手信

講起澳門手信,好多人都想會諗起杏仁餅,但澳門著名餅家又豈止一間呢?唔識揀的話米芝蓮已經幫你揀咗!晃記餅家不設試食,推介肉切酥、杏仁餅和金桃酥!

晃記餅家
地址:氹仔舊城區官也街 14 號
營業時間:9am-9pm、初一至初四11am-8pm (新年無休)
電話: +853 2882 7142

前往澳門有哪些交通方法?

可以選以金巴港澳快線金光飛航噴射飛航,即睇澳門交通2023懶人包。到達澳門後,則可坐輕軌氹仔線,途經碼頭、機場、多間酒店及主要旅遊區,澳門自由行時交通更加方便!即刻了解一下車站地點及列車設計等資訊。而澳門酒店由設計到設施都非常出色,GOtrip編輯整合澳門近年新開酒店情報,大家可Bookmark定,即睇:澳門酒店推介

有什麼澳門好去處?

澳門有不少新設施及全新好去處,其中澳門賭場必去景點食買玩介紹,玩轉澳門!然而,澳門美食眾多,除了豬扒包,也可到各大酒店享用自助餐及打卡必去的陽台Cafe當半日文青。