一生人要豪一次,搞 Bechlor Party 唔介意大方啲,可以選擇入住位於攀牙的 iniala beach house。Resort選址非港人耳熟能詳的旅遊區,由芭東乘車需時約1小時,Resort方圓十分鐘的車程內不見便利商店和民間,獨霸沙灘不用跟旁邊的酒店一齊分,遠離煩囂。連名人Kanye West老婆Kim都住過,貪這裡私密度夠高。Resort內3間Villa和1間頂層Penthouse,同時接待的住客數量不超過30個,絕對清幽無人打擾。記者在入住期間,見過1位30幾歲的外籍女住客咁大把咋!

Resort 亦特意請來歐美及泰國等地的星級設計師設計,每間 Villa 主題不一,由大門口的旋轉木門,以至連接獨立屋的庭園設計都可見巧思。今次入住3房的 Villa Siam,最多可以入住6人,一推門睇見裝潢布置經已最得我歡心,充滿東方韻味的竹籐設計,弧形別致的梳化和大床,感覺驚艷,忍唔住拎起手機瘋狂影相!

管家貼心安排 緊密schedule歎盡佢!

賺到盡、用到盡,一場來到這幢設計獨特的海濱別墅,單係影相呃like當然未夠,要真正享受到他們每一個服務,才不叫浪費。房價已經包埋一隊私人團體隨時待命,利用房內的Iphone聯絡,管家、廚師、水療按摩師隨時聽你支笛,呢種霸氣式專屬享受,相信連馬爾代夫都無咁好服務!

當中最貼心莫過於管家的行程安排,一到埗就先問我們每人的興趣和口味,再提議連日行程和用餐安排。好動的朋友仔可以參加踩單車、划艇等水上活動;好靜享受的朋友,則可以留在 villa 做 spa 慢慢歎,又或者跟教練學習各種瑜伽,不同朋友的喜好需要都滿足到。每項活動和用餐需逐項另計,嫌麻煩亦可選擇 Resort 提供的全包 package,每日加$1,954包埋三餐、每日1小時按摩、所有體能活動和私人司機接送。

下一頁:Resort內享三星西餐

$300試三星好西餐

玩完沙灘之後,不要嫌麻煩換掉短褲拖鞋造型,因為Resort內設有三星米芝蓮廚開設的餐廳Aziamendi,值得著靚啲一試。餐廳由入選The World’s 50 Best Restaurants的西班牙廚Eneko Atxa開設,主打西班牙和泰國fusion菜,雖然主廚並不駐場,但水準都非常高!配合Resort風格,餐廳以深色檜木裝潢營造奢華感,每道菜的擺盤亦十足三星米芝蓮餐廳,店內仲設有tasting menu,只需THB1,450/HK$312,就可以品嚐三星手勢,而平日由頭盤到甜品11道菜的full menu,人均消費則最低約HK$1,600。

記者試住點評:

優點:

  • 管家英文良好,溝通無難度,有求必應,無聊想玩board game,都即刻準備好。
  • 房間洗手間夠寬敞,仲設有戶外沐浴空間。
  • 包私人專車,只需另付油費,去邊都好方便;亦有單車Tour,遊覽resort以外的小區。

缺點:

  • 想去便利商店掃零食,需要坐私人酒店車過去,約需10分鐘。
  • 床頭雖然有搖控關燈鍵,不過座地的燈飾仍然要自己落床熄,曬氣;滅蚊措施不足。

總評:以套票價錢計,CP值超高,已包管家、活動、專車及三餐等費用。不過附近咩都無,比較適合一心打算享受陽光與海灘的人。

Iniala Beach House

地址:Iniala Beach House, 40/14 Moo 6, Baan Natai, T. Khokkloi, A.Takuathung, Phang-Nga
電話: +66 (0)76-451-456
房價:Bianca(最多6人) 平均每人每晚HK$3,815;
Siam(最多6人)平均每人每晚HK$4,046;
Collector(最多6人)平均每人每晚HK$4,046

前往方法:距離布吉國際機場約30分鐘
網址iniala.com

延伸閱讀:

包起成幢無王管 | 布吉5大Pool Villa熱選
布吉 Pool Villa Resort – Anantara Layan Phuket Resort
超便宜的布吉 Pool Villa 酒店 ! Wings Phuket Two Villas Holiday

泰國入境最新要求是?

現在入境泰國不用出示疫苗接種證明,即睇:泰國入境最新消息一覽。另外,到曼谷前大可買定泰國電話卡。如果想去曼谷的話,可能選以近年曼谷新開的7間酒店,就正好讓大家試試新酒店的設施及配套,享受一番。即睇:曼谷新酒店推介

曼谷有什麼景點好去處?

泰國曼谷旅遊,2024最新景點可瀏覽曼谷自由行;而夜市可以說是必去景點之一 ,最新必去夜市Jodd Fairs,食用火山排骨及水果西施即製果汁及沙冰等夜市招牌美食。購物的話,除了Big C或商場,其實曼谷第二個大型Outlet:Siam Premium Outlets首個名牌Outlet也值得一去。行街行累了,可到曼谷按摩店享受泰式按摩;想要一暏曼谷天際美境,則可到Rooftop Bar;回程買泰國手信也可到機場一併購買,節省時間。