東京 富士急 樂園嘅地理位置唔算太理想,由新宿出發需要近兩小時車程,不過樂園嘅 過山車 實在太刺激,出名嚇破膽 ,每年都吸引近百萬遊客前往,挑戰膽量!當中就有累積乘客達2,000萬嘅  過山車 之王 Fujiyama 。論速度, 過山車 之王 最高速只有 130 公里,但佢勝在夠高,足足離地 7 9米,衝落嚟嘅離心地特別大,特別恐怖!

1.「過山車之王」喺咩位置?

「過山車之王」係旋轉木馬隔離,離正門入口有一段距離,旁邊就係「世界終極過山車」。假如樂園一開閘你就跑輸咗個馬鼻,霸唔到頭位,唔洗灰心,「過山車之王」一次可以載 28 位乘客,人流去得比較快,排隊時間有機會快過其他 過山車。

2.有咩咁吸引?

全程共有 3 個靚位可以睇富士山景,有高位亦有低位。多得過山車嘅高架設計,乘客可以一覽無遺欣賞富士山。天朗氣清時,更可看到富士山山頂!

3.有咩驚喜位?

過山車一離站就慢慢爬上 79 米嘅最高點,到頂後乘客注意力多數會集中咗係富士山的靚景度,忘記咗架車幾時落斜!一不留神,過車山就開始俯衝,快到反應唔到,呢吓最驚心!

4.玩完嘅朋友有咩感覺?到底有幾好玩?

首先成架過車有28人,如果坐滿乘客,成車人一齊嗌一齊笑真係好好氣氛!樂園入面其他 過山車 每次都坐得好少人,太冷清!呢架就唔同,好熱鬧,正!我玩咗 4 次,覺得坐車尾反而最刺激,車尾會拋得勁啲,離心力大啲!雖然話由最高點衝落嚟好驚,但我自己最怕後段開始,不停穿過高架嗰一段,又急又快,好似隨時會撞埋落鐵架度咁!成個過程有 2 分鐘,唔係一衝上去就玩完咗,有多次上落,層次有高有低,算係抵玩!

5.有咩方法可以唔洗排隊?

可以事先去旋轉木馬旁嘅售票處「絕叫優先券」,每張1,000円,咁就可以唔洗排隊喇!

6.有無高度同年齡限制?

有,只要高過120cm,兼係62歲以下就可以玩~

睇埋片,你就知有幾好玩!

https://www.youtube.com/watch?v=PL1rMc8t8js

下一頁:東京富士急 | 拋出外太空 ! 世界終極 過山車  | 試玩報告

相關文章

【新加坡】多圖!聖淘沙「雙軌過山車」歸位喇!

最新的日本入境要求詳情?

在入境日本前,建議先用Visit Japan Web完成一部分檢疫手續,便能更快速地入境日本,即睇使用教學,例如註冊步驟及同行家人如何填寫等,以及買定日本電話卡

去東京有什麼好去處及景點推介?

未諗好去邊好,可以看留意東京自由行最新大行程東京必食美食淺草橫町美食街東京年度拉麵店東京蟹店推介。想去東京迪士尼的話,大可一看東京迪士尼樂園門票攻略領取全新3大門票Pass方法。喜歡購物則可到東京Outlet;要是想過一個輕鬆的旅程,可到箱根溫泉旅館。準備到日本賞櫻花的大家,可預先一看日本櫻花花期預測