晚晚十點半都睇住杜如風喺 《關西攻略2》 食得咁滋味,真係我都想食埋一份啊。之前已經將第一至五集嘅玩樂地方起底,今次就嚟一個餐廳大總結,集合曬頭五集杜如風推介嘅美食,下次大家去三重同彍古屋就可以跟住個list食好嘢啦!

第一集

01 | 雜技表演居酒屋:ももまる

呢間居酒屋係一間食拉麵嘅日式小酒館,大家都應該仲記得杜如風帶住個Yoda面具食拉麵嘅畫面啦,真係好好笑!

杜如風 關西攻略2 cap

杜如風 關西攻略2 cap2
玩完之後認真試,佢話湯底同麵都好正啊!

不過全場最矚目相信都喺呢位粉紅色裝扮嘅老闆Lady Momo!佢學過體操,會喺吊輪表演引體上升,非常精彩!

杜如風 關西攻略2 cap3
又有嘢食又有表演睇!杜如風都話要嚟見工!

ももまる

營業時間:18:00-04:00
地址:名古屋市中區榮 3-10- 15

02 | 三食鰻魚飯老字號:あつた蓬莱軒

呢間炭燒鰻魚飯店非常特別,因為食法有三種,包括原味食用、加入配菜同加熱茶,各種食法可以品嚐到鰻魚的不同滋味,係名古屋當地獨有的食法,難怪連日本人都大力推薦!

杜如風 關西攻略2 cap4

杜如風 關西攻略2 cap5
杜如風都即場示範咗三種食法,佢就話第二種食法冇咁好食,因為搶咗鰻魚陣味!

杜如風 關西攻略2 cap6
仲試埋送酒一流炸鰻魚骨,好脆啊!

杜如風 關西攻略2 cap7
杜如風仲溫馨提示大家,唔好午餐同晚飯時間嚟,唔喺起碼要排40分鐘隊啊!

あつた蓬莱軒

營業時間:11:00-22:00
地址:名古屋市中區榮3-30-8松坂屋名古屋店南館10F
網頁:http://www.houraiken.com/

第二集

03 | 各式雞料理推介:伍味酉

名古屋作為日本三大地雞有名產地,當然會提供高級嘅味自慢雞肉料理啦!伍味酉1956年開業,作為名古屋居酒屋嘅元老,除咗歷史悠久之外,使用江戶時代流傳嘅八丁味噌作為料理元素都喺店舖特色。鐘意食雞料理又想體驗傳統居酒屋嘅朋友唔好錯過!

杜如風 關西攻略2 cap8
「伍味酉」招牌手羽!

以大將軍命名嘅各款雞料理,唔同大將軍代表唔同嘅醬汁嫁!

杜如風 關西攻略2 cap9

同一般湯底好淡嘅關東煮唔同,呢個醬汁濃好多,加咗好濃嘅味噌,杜如風就話味道啱啱好啊!

杜如風 關西攻略2 cap11

最後食埋甜品,聽個名又甜又鹹咁。但杜如風就話食唔到幾多味噌味,反而食到好多糖漿同布甸嘅雞蛋味。

杜如風 關西攻略2 cap12

伍味酉

營業時間:17:00-05:00
地址:名古屋市中區榮3-9- 14
網頁:http://www.taste-net.co.jp/tenpo/gomi- hon.html

04 | 極濃豚骨湯拉麵:大岩亭

杜如風介紹得就一定唔係普通拉麵,不過平時喺香港都見唔少豚骨湯拉麵,呢碗又有咩咁特別?特別在於極濃!呢碗湯係真材實料熬製,濃到望落近乎固體咁,講多無謂,睇圖你就明!

杜如風 關西攻略2 cap13

杜如風 關西攻略2 cap14
稠到咁,杜如風都冇辦法稱佢為一個湯,最後食到佢都話認輸啊!

杜如風 關西攻略2 cap15
連杜如風都甘拜下風,你又有冇膽挑戰?

大岩亭

營業時間:11:00-14:00、17:00-21:00
地址:安城市綠町1-16-9

05 | 百年和菓子店打造:吾妻茶寮

由百年和菓子店打造的咖啡店,不但供應抹茶刨冰等日式甜點,更有極具人氣的話題之作抹茶朱古力火鍋,丸子同當造水果沾上濃濃的醬,諗起都想試!

首先杜如風一嚟就試咗最出名嘅雜果牛奶沙冰先,賣相已經好吸引。

杜如風 關西攻略2 cap17

杜如風 關西攻略2 cap16
又大個又多料,好抵食!

表面上呢款甜品同一般法式焦糖燉蛋冇分別,但呢到喺日本喎,總會有特別掛?

杜如風 關西攻略2 cap18

杜如風 關西攻略2 cap19
唔止士多啤梨一隻味,原來呢到嘅焦糖燉蛋喺會隨住季節而有唔同嘅水果餡料嫁,夠曬創新!

終於試到人氣之選抹茶朱古力火鍋啦,當中喺抹茶喺嚴選嘅愛知縣西尾抹茶,味道濃烈而且質感豐富!

杜如風 關西攻略2 cap21

杜如風 關西攻略2 cap20
如果喺香港用呢個價錢一定食唔到啦!

吾妻茶寮

營業時間:11:00-19:00(星期一至五)、11:00-19:30(周末及節日)(星期二休息)
地址:名古屋市中區大須3-22-33(顯示地圖)
網頁:http://www.azumasaryo.com/

第三集

06 | 手握飯糰專門店:Omusubi-mama

位於地下街的飯糰專門店,單單飯糰已經有超過20款選擇,而且係即叫即製,價錢亦唔貴,多數都係¥‎130以下,另外都有便當同小食供應,做早餐一流!

杜如風 關西攻略2 cap22
雖然便利店都可以買得到,但呢間店喺現場手製嘅,保證一定新鮮過便利店啦!

杜如風 關西攻略2 cap23
味噌喺名古屋特產,味好濃,啱重口味人士!

杜如風 關西攻略2 cap24
仲有夠曬健康嘅納豆飯糰。

Omusubi-mama

營業時間:07:00-20:30
地址:名古屋市中村區名駅4-7-25 B1/F
網頁:http://www.shibata-ham.com/omusubi.html

07 | 法式薄餅店:Dipper Dan

同樣位於名古屋地下街的Dipper Dan,是法式薄餅專賣店,有多款口味選擇,而且每月指定日子都會有優惠:9號、19號、29號。

杜如風 關西攻略2 cap26

杜如風 關西攻略2 cap25
雖然杜如風撞唔正優惠日子嚟,但都有當日優惠,而且仲要喺佢鐘意嗁香蕉朱古力味,開心死佢!

Dipper Dan

營業時間:10:00-21:30
地址:名古屋市中村區名駅1-1-2 B1/F

08 | 古怪造型壽司:丸八壽司

呢間壽司店所賣嘅壽司非常特別,並唔係有新奇口味,而係有奇怪的造型,甚至菜單上的壽司名都十分奇怪架!

杜如風 關西攻略2 cap27
唔止造型奇怪,連個名都夠曬重口味!杜如風話自己咁純諗唔到喎,你又諗唔諗到先?

將所有整壽司剩低嘅邊緣位置放埋一齊食,杜如風就表示呢個賣剩蔗卷好啱佢食,但好似食自己咁。

杜如風 關西攻略2 cap28
杜如風話賣剩蔗都唔平嫁,喺你地唔識欣賞姐!

最後呢個最重口味嘅,入面有明太子、柚子胡椒、芥末同辣椒醬,好辣啊!

杜如風 關西攻略2 cap29
辣到杜如風覺得師傅俾老婆鬧完拎佢嚟出氣囉!

丸八壽司

營業時間:24小時
地址:名古屋市中村區名駅4-21-5

第四集

09 | 海女炭燒海鮮:海女小屋 はちまんかまど

呢到係一群日本海女的地區,佢地會幫你燒新鮮海鮮啊,仲會一邊跳舞一邊幫你燒添!最重要係可以係出發到呢個島嘅時候一睹海女的威姿,仲可以一試海女的傳統海裝,無論男女都得嫁!

杜如風 關西攻略2 cap30

個餐有螺、扇貝、兩隻大鮑魚、兩隻呢到最出名嘅伊勢海老。價錢喺貴,但貴就貴在兩位海女即場潛入海底,即撈即食,夠曬新鮮啊!

杜如風 關西攻略2 cap31

杜如風 關西攻略2 cap33
仲有好甜好新鮮嘅冷盤啊!

海女小屋 はちまんかまど

地址:鳥羽市相差町1094
網頁:http://amakoya.com/

10 | 松阪牛壽喜燒懷石料理:松燈庵

日本傳統的懷石料理,出名環境好加食物都好好食!其實都係日本「chill」的表表者,一邊望住個境又一邊食住高級日本料理,根直係神一般的享受,去得日本又點可以放過呢個機會!被選得為松阪公,起碼有A4級,杜如風果日仲食到A5添!

杜如風 關西攻略2 cap35

杜如風 關西攻略2 仲有隻牛嘅出世紙,證明佢血統純正
仲有隻牛嘅出世紙,證明佢血統純正。

其實呢間野既價格都唔算貴,¥4000就有以下咁多食物,係咪好抵食呢~

杜如風 關西攻略2 cap34

松燈庵

 營業時間 : 11:00-15:00 (夜晚需預約)(逢星期三休息)

電話: 0598-23-0657

地址:松阪市殿町1360

網頁:http://shoutouan.com/index.html

11 | 迴轉牛燒肉店:一升びん ( 宮町店 ) 

日本好多店都有迴轉,但迴轉燒肉店,你又見過未?好似平時香港既迴轉壽司店咁,每隻碟既顏色都有唔同既價錢,最貴就¥1,150。。係呢間店入面就又有食又有得玩!

杜如風 關西攻略2 cap37

杜如風 關西攻略2 cap42
杜如風教路:愈好嘅牛肉愈唔洗燒咁熟!

成隻牛喺曬到,成餐都喺¥5,200,四百蚊有找啊!但要留意,雖然呢間鋪周圍都有,但迴轉燒肉就只喺得宮町店呢間!
杜如風 關西攻略2 cap40

一升びん ( 宮町店 )

營業時間 : 17:30-21:30(星期一至五)/12:00-15:00/16:30~21:30 (星期六、日、節日)

地址:松阪市宮町字堂ノ後144-5

網頁:http://www.issyoubin.com/

第五集

12 | ¥1,000海鮮丼:網元の店八代

平價海鮮丼係邊到搵?三重縣既網元の店八代就有啦,全部都係新鮮既海鮮!滿滿既海鮮鋪滿整個飯上,真係只係見到海鮮,見品到白飯既蹤影!

杜如風 關西攻略2 243519_352413614843195_187494469_o

呢隻就有點兒飲便當形式,係網元の店八代既facebook上發現,裡面好豐富!好多隻大蝦啊!

杜如風 關西攻略2 996772_929250970492787_5186609294152640201_n

真實版既海鮮丼,係高價既香港,真係好難搵到咁價格相對既產品嫁~

菅野恭介(@kyosuke_kanno)張貼的相片 張貼

網元の店八代

營業時間:11:00-14:00/ 17:00-20:00 (定休:星期三)
地址:志摩市浜島町浜島1776-4

13 | 伊勢有名的和菓子:赤福

日本傳統既和菓子一定係手信既最好選擇,美麗既外觀配合甜甜既味道,真係大小朋友都岩食啊。

杜如風 關西攻略2 3495_1

以下兩種產物都係期間限定既和菓子:
12月先有既雪餅!
杜如風 關西攻略2 tsui_12_main

冬季限定既年糕紅豆湯啊,飲完就會有好幸福既感覺。
杜如風 關西攻略2 zenzai

赤福

營業時間:05:00-17:00
地址:伊勢市宇治中之切町26 (33號店)
網頁:http://www.akafuku.co.jp/
杜如風 關西攻略2 website_fb

最新的日本入境要求詳情?

在入境日本前,建議先用Visit Japan Web完成一部分檢疫手續,便能更快速地入境日本,即睇使用教學,例如註冊步驟及同行家人如何填寫等,以及買定日本電話卡

圖片來源:杜如風 《關西攻略2》