01| さっぽろ雪まつり 札幌雪祭 (北海道)
首先要介紹就係一講到日本嘅雪祭都一定諗起佢嘅—札幌雪祭！其實佢係由1950年開始到而家一個歷史由久嘅祭典嚟架！每年都會有配合當年主題嘅雪雕同冰雕作品展示，除此之外仲有兒童雪冰梯同雪上小火車，非常適合一家大細。
去年嘅雪冰雕像約250座，參觀人數係呢幾年都每次都破200萬人次！可以話係日本冬天祭典嘅代名詞。如果大家有機會呢段期間去北海道札幌嘅話一定要去參加呀！
第68屆札幌雪祭
地點：(分三個會場)
大通會場：大通公園1～12丁目
TSUDOME會場：札幌市體育交流設施COMMUNITY DOME
薄野會場：南4條通～南6條通的西4丁目線市道
舉辦日期及時間：
大通會場及薄野會場：2/6～2/12
TSUDOME會場：2/1～2/12
交通：
大通會場：從地下鐵『さっぽろ站』乘坐地下鐵南北線或地下鐵東豐線到『大通站』下車
薄野會場：從地下鐵『さっぽろ站』乘坐地下鐵南北線到『すすきの站』下車
TSUDOME會場：從地下鐵『さっぽろ站』乘坐地下鐵東豐線到『栄町站』下車，2號出口徒步15分鐘 或舉辦其間有 Shuttle bus 接送
02| 氷灯夜 冰燈夜 (十勝@北海道)
位於北海道南部十勝嘅帶廣市芽室町，每年嘅西方情人節(2/14)當天都會舉辦冰燈夜。大約有5,000顆用冰做成嘅蠟燭為北海道嘅寒冬增加一點點暖意。
再加上活動的尾聲會有盛大嘅煙火表演點綴夜空，所以每年都吸引好多夫婦、情侶到訪架！你又有冇興趣同自己心愛嘅另一半嚟冰燈夜過一個與眾不同嘅情人節？
第27回芽室町氷灯夜
地點：芽室町本通８丁目芽室公園
舉辦日期：2/14
交通：從JR芽室站出口徒歩約13分鐘
03| なまはげ柴灯まつり 生鬼柴燈祭 (秋田縣)
「生鬼柴燈祭」係屬於東北陸奧五大雪祭之一，亦係最早舉行的一個。係每年2月嘅第2個星期五、星期六、星期日係秋田縣男鹿市北浦嘅真山神社舉行。
呢個係男鹿半島上已流傳百年嘅習俗，穿著簑衣戴著鬼面手持木刀嘅生鬼（NAMAHAGE）都會大吼大叫到每家每戶去懲罰懶惰嘅小孩，加上每戶用豐盛佳餚與美酒嚟招待生鬼，祈求漁獲與五穀豐收。生鬼會一路行走去到真山神社，圍住柴燈表演舞蹈及生鬼太鼓，的確係非常有趣又特別嘅祭典！
第53回秋田縣生鬼柴燈祭
地點：秋田縣男鹿市真山神社
舉辦日期及時間：2/10・11・12
交通：JR男鹿站搭乘臨時巴士(300yen)
04| 横手のかまくら 橫手雪屋祭 (秋田縣)
同屬東北陸奧五大雪祭之一，係銀白色嘅世界下畀100間雪屋(かまくら)同無數嘅細你雪屋包圍，呢個就係同屬陸奧五大雪祭嘅橫手雪屋祭。
係每年嘅2/15-16日，橫手市內都會有由市民推起嘅雪屋，而且更會係細你雪屋入面點上蠟光，浪漫氣氛絕對唔會輸俾北海道！除此之外，係雪屋入面係小孩大人都會不斷招呼路過嘅旅行，一邊奉上甘酒同日式點心，一邊欣賞祭典帶來嘅氣氛。
秋田橫手雪屋祭
地點：秋田縣橫手市政府前道路公園等地
舉辦日期及時間：2/15日〜16日 18:00～21:00
交通：從秋田站乘坐JR奧羽線至橫手站下車，轉乘專線班車。
05) 湯西川温泉 かまくら祭り 湯西川溫泉雪屋祭 (栃木縣)
係栃木縣嘅湯西川溫泉所舉辦嘅雪屋祭絕對係唔輸俾橫手雪屋祭架！點解咁講？因為佢係被認定為日本夜景遺産嘅「歴史文化夜景遺産」其中之一。同橫手雪屋祭嘅分別就係佢有沿住河邊堆起嘅迷你雪屋，加上係地點係溫泉區，夜晚浸完溫泉暖立立再欣賞眼前嘅夜景，真係好似發緊夢咁呀！
湯西川溫泉雪屋祭
地點：栃木縣日光市湯西川溫泉街
舉辦日期及時間：1/28～3/5 9:00～21:00
交通：從野岩鐵道湯西川溫泉站下車後，轉乘日光交通巴士往湯西川溫泉方向約30分鐘，在「本家伴久旅館前」下車徒歩約15分鐘
06| 十日町雪まつり 十日町雪祭 (新潟縣)
十日町雪祭可以話係新潟縣市民最引以為傲嘅雪之祭典。「以雪為友、以雪為樂」呢個信念而舉辦嘅現代雪祭。
去年係十日町雪祭展出超過有75家店嘅精美雪雕，以及由十日町居民親手製作的雪之藝術品，可以漫步十日町感受藝術氣氛。當然仲有重頭戲「雪上嘉年華」，當地會根據今年度嘅主題以雪堆砌出一座巨大舞台，再加上知名藝人親臨雪之舞台表演，真係精彩到花多眼亂呀！
就咁講可能未必感受到，即刻睇片！
（影片來源：TokamachiCity）
十日町雪祭
地點：新潟縣十日町市本町2丁目
舉辦日期及時間：2/17（五）18:00〜2/19（日）16:00
交通：
從東京出發：從東京站乘上越新幹線到「越後湯澤站」轉乘ほくほく線在「十日町站」下車 （約1小時50分）
從金澤出發：乘北陸本線轉乘ほくほく線在「十日町站」下車 （約2小時10分）
從大阪出發：乘北陸本線在「金澤站」轉乘ほくほくく線在「十日町站」下車 （約4時間45分）
07| 津南雪まつり 津南雪祭 (新潟縣)
另一個代表到新潟縣祭典嘅係津南雪祭，一睇就會聯想到泰國嘅清邁天燈節。有人形容「簡直係死前必去嘅絕景之一」。
而喺呢個津南雪祭大約會有1000個天燈（當地亦稱呼為雪的螢火蟲）喺新瀉嘅夜空飛舞。正正因為係少有高樓大廈同電線杆、能夠保留舊有風景嘅津南町，先至會有呢個絕景嘅冬日祭典。
只係睇相都感動到起晒雞皮，唔知睇完片嘅你係咪都一樣恨不得喺現場見證呢？
（影片來源：Yoshi Yama）
津南雪祭
【地點】新潟縣中魚沼郡津南町秋成12300 (NEW GREENPIA津南酒店的特設會場、大割野特設會場)
【舉辦日期及時間】3/10（五）12:00～21:00 (天燈發放時間為20:00)
【交通】JR飯山線「津南站」乘車約20分鐘
08| 西宮えびす 西宮惠比壽 (兵庫縣)
日本每年嘅1月10日恆例會被大幅報導嘅盛事，位於兵庫縣西宮神社所舉辦嘅「開門神事・福男選び」（開門神事・選出福男）。呢個活動其他遠至1950年已經開始，可以話係平民嘅祭典。
當日嘅朝早6點，目標係距離大門約230米嘅本殿，一群祈求新一年被福氣包圍嘅健兒拔足狂奔。唔好以為「福男」就一定男性限定，其實女性都可以參加，女性若果成功跑出嘅就會獲得「福女」嘅稱號。而聽講跑頭3名嘅就會有福氣眷顧，亦有說法話有份跑都好有福氣！
西宮惠比壽
地點：兵庫県西宮市社家町1番17号 西宮神社
舉辦日期及時間： 1/9～1/11 (十日惠比壽)，1/10 6:00 (福男選舉)
交通：從阪神電車・本線至「西宮站」南口出發往南西方向，徒歩約5分鐘
09| 西大寺会陽 西大寺會陽裸身節 (岡山縣)
被喻為日本三大奇節之一嘅西大寺會陽裸身節，顧名思義就係9千名赤裸上身的男子（只繫1條兜襠布）為了搶奪住持從4米高窗扔出嘅直徑4公分、長20公分、名為“寶木”的兩個幸運物，展開激烈爭奪。幸福地搶到寶木而又成功將佢插到盛滿稻米的米升上嘅參加者，會被冠以「福男」嘅美喻。雖然裸身節係嚴寒嘅冬天舉行，但當見到眾人搶奪福氣嘅情景真係熬血沸騰呀！
西大寺會陽裸身節
地點：岡山市東区西大寺中3-8-8
舉辦日期及時間：毎年2月的第3個星期六
交通：從山陽新幹線「岡山站」乘坐JR赤穗線至「西大寺站」下車，徒步約10分鐘
10| 長崎ランタンフェスティバル 長崎燈籠節 (長崎縣)
位於九州長崎中華街嘅長崎燈籠節，原本係新地中華街嘅華人為慶祝中國嘅農曆新年而舉辦嘅祭典。
係一連15日內將超過1萬5千多個七彩繽紛嘅中國燈籠分別排喺7個地方。以1994年活動規模擴大為契機，長崎特色嘅「冬日風物詩」於日本全國被廣為知曉。你又想唔想係異國感受中國嘅農曆新年氣氛呢？
長崎燈籠節
地點：長崎縣長崎市新地町10-13 (包括新地中華街會場、中央公園會場、唐人屋敷會場、興福寺、鍛冶市會場、浜んまち會場、 孔子廟會場共7個會場)
舉辦日期及時間：1/28～2/11 17:00～22:00為點燈時間
交通：於路面電車「市電築町電停站」出站徒步約2分鐘
最新的日本入境要求詳情？
在入境日本前，建議先用Visit Japan Web完成一部分檢疫手續，便能更快速地入境日本，即睇使用教學，例如註冊步驟及同行家人如何填寫等，以及買定日本電話卡。