【日本神社】近年「cashless」已變成全球化現象,WeChat Pay、Apple Pay、LINE Pay等等,已取代了現金,成為最常用嘅付款方法。日本算係少數依然以現金作為主要交易方法嘅國家,不過都開始慢慢推行電子化交易喇!就連世界遺產同神明都要與時並進!

撰文:C|圖片:Yahoo!News Japan

日本神社推行電子支付賽錢

位於日光市山內嘅世界遺產,日光二荒山神社成為日本全國第一間導入參拜賽錢電子化交易系統嘅神社。並決定將本來面向中國籍遊客嘅,現時正採用嘅系統擴大,加入歐洲地區嘅「Apple Pay」、免費即時通訊app,LINE推出嘅「LINE Pay」兩種新電子交易系統。預計今個月內開始投入服務,令包括日本人在內,來自世界各地嘅參拜者都能夠更方便使用。

參拜者可以用智能手機,讀取設置喺神社境內看板嘅QR code,然後以電子錢包方式繳付參拜時嘅賽錢。據神社所講,10月中開始使用中國嘅「WeChat Pay」後,至今已有超過2千筆用於奉納嘅交易。

神社總務部長齋藤芳史表示:「希望活用電子網絡,完善神社嘅觀光資訊。正考慮推行若繳納賽錢,就可以下載能招來幸運嘅男體山御來光嘅相片等活動。」

雖然大勢所趨,神社要吸納更多參拜者嘅話,都不得不跟隨時代變化,參拜變得方便都冇話唔好嘅,但總係覺得失去咗日本神社嗰種獨特嘅莊嚴同風情。

最新的日本入境要求詳情?

在入境日本前,建議先用Visit Japan Web完成一部分檢疫手續,便能更快速地入境日本,即睇使用教學,例如註冊步驟及同行家人如何填寫等,以及買定日本電話卡