最近天氣終於冇咁凍，好多人都開始瘋狂飲凍嘢，有啲比較注意健康同養生的朋友，就四季都指定熱飲，不過其實太凍或太熱，都對身體唔太好。最近日本出現了常溫販賣機，所有飲品都維持在20度，Twitter 就有好多日本網民分享自己成功見到常溫自販機，仲大讚此設計！
text ： Cynthia｜photo ： Twitter、新傳媒資料庫
凍飲熱飲都傷身
好多人都知道飲得太多凍嘢對身體唔好，會令到脾胃功能都變差，鼻敏感加重，而女性長期飲凍嘢的話，更加會令M痛加劇！好多人就鍾意熱到冒煙時飲，但其實太熱熱過65度，都可能會致癌！所以好多中醫師都建議，要喝常溫的飲品，對身體先係最好。
日本新設 常溫自動販賣機
冬天去日本最愛熱熱的粟米湯機，就算落雪都唔覺得辛苦。但如果係貓手／貓舌好怕熱的話，成日都要等涼啲先可以飲！日本最近增設了常溫自動販賣機，維持在20度的溫度剛剛好，有茶、果汁、咖啡等等，攞上手有少少暖，四季都可以飲！
常温自販機、じもとにもあった！ pic.twitter.com/aaQUTbtdC7
— ゆき*炊飯鍋 (@GalanthusDOLL) February 17, 2018
常温自販機なんてあるんだね！😆😆😆 pic.twitter.com/4k1kVpDH19
— とっぴ (@toppi_910) February 4, 2018
日本網友大讚貼心
近日Twitter 開始有好多網友，都貼圖分享自己成功捕獲的常溫自動販賣機，出現的地方集中在各大車站，包括橫濱駅、鶴橋駅、新宿駅、武藏小杉駅及西船橋駅等等，大家去日本的話，不妨留意一下！好多網友都大讚設計貼心，照顧到老人家、病人、脾胃較差的人！