【名古屋LEGOLAND酒店】名古屋LEGOLAND一歲喇!慶祝方法,就係開酒店!位於樂園旁的LEGOLAND酒店鐵定於4月28日正式開業,日後來個兩日一夜LEGO之旅夠晒滿足!今次酒店究竟有乜設施?酒店有冇泳池?房間裝修用色又會否太「男仔」?仲有一齊開業的Sea Life水族館又是甚麼來頭?記者有幸率先踩場,一次過幫你搞清楚(影片在文章最尾)!

撰文:北記、主場・日本 | 攝影師:Fion|鳴謝:KLOOK

樂園入口行20步就到!

日本LEGOLAND樂園話咁快就一歲喇!等咗一年,主題酒店亦終於開業,日後可以玩樂園、住酒店、逛水族館,儲齊一套玩兩日!恍如由LEGO積木砌出來的LEGOLAND酒店,樓高八層,面積達17萬平方呎,內有252間房,正正位於樂園對面,小孩玩到攰想瞓覺,都係行廿步就到。

4月28日前試住價:每人約HK$500

正價房價每晚由31,000円/約HK$2,286起,已包4位的buffet早餐。如果於4月28日(正式開業日)前入住,就可享酒店的試住優惠,所有房間都係8折起!一家四口27,200円/約HK$2,006起就住到,除開每人約500蚊,仲包埋buffet早餐,諗得過!

全部都係「家庭房」

252間客房全為家庭房,每間客房內都有2間睡房,「大人睡房」可供兩位13歲或以上的大人入住,「小朋友睡房」有一張碌架床,可供2至3名3至12歲的小孩同時入住(0至3歲可與大人同睡)。不論住任何房種,打開房門即可抵達「小朋友睡房」,和「大人睡房」相隔一個廁所,讓小孩擁有自己的小天地!

房間以不同卡通人物裝潢,共分為五大主題,每個主題內再分為不同房種,包括標準主題房(Themed)、高級房(Premium)、特級房(Premium Plus)和兩款套房(Suite),按級數配備不同裝潢、子母床甚至小孩專屬的玩樂空間等等,最後仲分成能否看到LEGOLAND樂園的景觀房,分得非常仔細!

5款主題房詳盡解構

5款主題房,分別為Pirate、Kingdom、Adventure、LEGO NINJAGO及LEGO FRIENDS,頭4款馬來西亞LEGOLAND酒店都有,但最後一款女仔必冧的LEGO FRIENDS,(暫時)亞洲就只有名古屋LEGOLAND酒店有!不少住過馬來西亞LEGOLAND酒店的家長都投訴,房間「太男孩子」,而且設計都是「黑媽媽」,令年幼的小朋友感到不安!但現在不用擔心了,因為可以住LEGO FRIENDS房,既「女孩子」又較明亮!

01 | LEGO FRIENDS樂高好朋友・女仔必住!

之前不少爸媽嫌馬來西亞LEGOLAND酒店用色裝潢太「男仔」,今次日本方面似乎有聽大家意見,在亞洲首設「LEGO FRIENDS樂高好朋友」主題房,之前只在丹麥、英國同美國搵得到!

地氈和碌架床上都印有心湖城地圖,帶你去到風光如畫的尋夢園。

02 | Pirate海盜・最有型!

海盜主題房,應該是大男孩的最愛!因為設計比較有型,又會聯想到《加勒比海盜》。航海嘛!應該是「大男孩的浪漫」!

03 | Kingdom中古城堡・很…… Harry Potter!

踏入城堡主題房,即被「大人睡房」的被鋪嚇一跳,那個紅色實在太…… 喜慶(很似龍鳳被)!而整間房的設計都讓你有種置身城堡內的感覺,如城堡木門、國徽旗幟、燭台和盾牌等等,到處都是中古城堡符號,還有仿銀製的燈,散發貴族氣息!(為甚麼我覺得很有Harry Potter的感覺?)

04 | NINJAGO旋風忍者・鬼仔最愛!

NINJAGO很受歐美男孩的歡迎,不過在亞洲區卻不算太hit,可能亞洲人都對忍者有一定認識。而NINJAGO卻似「fusion」,有點日本又有點中國,總之就怪怪的,連酒店房間也是一樣!所以,如果你以為來到忍者的主場日本,當然要住忍者房的話,可能要三思!

05 | Adventure埃及主題・《盜墓迷城》?!

如果你覺得NINJAGO主題樓層的白色燈籠「大吉利是」,那麼,請別入住Adventure主題樓層,這裡更「大吉利是」!雖然LEGOLAND最受歡迎的遊戲是「Submarine Adventure」,在金字塔內坐著潛艇「歷險」,但玩還玩,過夜嘛!就最好別在金字塔內(那是法老的墳墓呀),對不?而且這樓層及房間全部都是蛇蟲鼠蟻,雖然是假的,但還是嚇人嘛!我不是Angelina Jolie,不用去拍《盜墓者羅拉》,亦不想去拍《盜墓迷城1~100》!

全年無休暖水泳池

不少住過LEGOLAND酒店的人,都會話有下次!無他,酒店內有大量玩意,加上又要入park,真係連泊兩晚都未夠喉!酒店雖然沒有標準泳池,卻有室內玩水區,水深25cm至60cm,天氣凍時,還會調節氣溫,唔使驚凍住玩水!

10大影相位

一場來到,當然要留個紀念,影多啲相,買多啲嘢。唔係剩係影巨型LEGO人嘅,以下精選酒店打卡影相位,同埋酒店限定的精品,唔買都睇下呀!

超貼心!小孩自助餐station

即使不是住客,也可幫襯酒店內的「Bricks Family」和「Skyline Bar」兩間餐廳!前者供應早晚自助餐,菜式多達100款,有和洋美食、沙律吧、live station(即點即製庵列和湯麵),更有名古屋名物(如鰻魚飯),而且天天不同款!

「Bricks Family」自助餐區特設Kids Station小孩取餐區,桌面只約60cm高,較一般的矮,讓小孩也嘗到「有得揀先至係老闆」的自助餐樂趣,話唔定能改善偏食的壞習慣!

單點的「Skyline Bar」,菜式走精緻路線,有煙燻牛扒和煎三文魚等,更供應LEGO造型的酥餅!

專人指導創意Workshop

LEGO一向鼓勵創意,校啱時間,就可參加Creative Workshop,有專人教你砌LEGO,上多兩堂,長大後話唔定能當master builder!

別錯過2個有趣位……

01 | Disco升降機

表面上,佢係一部?,其實佢係disco嚟㗎!?門關上,燈光調暗,不同樂曲響起,七色燈光的disco波係咁轉,一齊跳番part 〈YMCA〉先!四部?一樣的,我搭過晒喇!

?門關上,mirror ball就會轉,好有趣!

02 | Disco放屁地氈

Lobby的放屁地雷,踩上去,就會傳來放屁音響。貼士是,踩得愈大力,屁聲愈響亮!

 酒店限定商品

 

名古屋LEGOLAND酒店開幕!7大注目位

【#GOtrip日本】名古屋LEGOLAND酒店終於開喇!酒店距離樂園入口少過100米,玩到攰可以隨時返酒店休息下,之後又入去玩過!開幕初期上網訂「酒店+入場券」套票,仲可以有升級優惠,LEGOLAND+SEA LIFE的門票1day變2day!好抵玩囉!詳情:www.gotrip.hk/?p=420917免排隊訂定樂園+SEA LIFE門票: Klook

Posted by GOtrip 旅遊看世界 on Thursday, March 22, 2018

 LEGOLAND Hotel Japan


地址:愛知縣名古屋市港區金城ふ頭2-7-1
房價:主題房連次日早餐每晚31,000円/約HK$2,286起,可供兩大兩小入住。
網址:www.legoland.jp
註:4月28日前入住,可以開業前八折優惠價訂購房間,主題房連次日早餐每晚27,200円/約HK$2,006起。
註2:透過KLOOK訂購LEGOLAND一日門票,票價比官網更抵!詳情請按此

下一頁:【 FlyJapan 】名古屋LEGOLAND酒店 | 網上訂房教學

最新的日本入境要求詳情?

在入境日本前,建議先用Visit Japan Web完成一部分檢疫手續,便能更快速地入境日本,即睇使用教學,例如註冊步驟及同行家人如何填寫等,以及買定日本電話卡