去旅行住酒店已經唔係我杯茶, Airbnb 價錢大眾化又多選擇,住入民居夠地道,識得玩嘅浪遊潮人梗係學秋生揀Airbnb啦!

之但係,每每去到入境申報,都好猶豫點填住宿地址一欄⋯⋯

好似日本咁,就要填以下呢張入境紀錄卡(4月新版填表秘訣,請參考 詳細填法

綜合網民經驗,主要有以下4 個最常查詢FAQ:

Q1 | 照填Airbnb地址及房主名稱,有問題嗎?

建議在目的一欄剔「觀光」,然後誠實報上 Airbnb 的住址及房主的名稱。有網民表示早前飛完東京,無驚無險用呢招通關!但亦有旅客遇過關員查問,所以提醒大家--記得隨身列印出Airbnb的訂房紀錄,有白紙黑字的證明,當地海關多數已了解這類住宿新選擇,有足夠佐證下,都會通情達理的放人。

最懷情況,曾經有前往大阪的旅客,表示在關西機場遭「彈表」,似乎入住民居 Airbnb 不被接納,但結果也沒大問題,對方只要求重新填寫另一個較正規住宿地址(這情況下,大家可以試試填寫普遍的連鎖酒店地址,較易乎何「觀光」旅遊目的,少生疑慮)。

Q2 | 我的行程環遊日本幾個地點、中換幾個住宿,需要全部填寫嗎?

唔少人都會貪方便,隨機揀選其中一晚,或逗留日數最長的酒店/民宿地址填表。雖然咁做都一定過到關,但最正確的方法還是:逐一寫上每個地址,並在後面括號(逗留日數)。係就係麻煩啲,但大家也要了解,倘若發生意外時警方便依靠這入境表揾資料,寫得詳盡同仔細係保障自身安全啫!

Q3 | 我是浪遊背包客,逛到邊、瞓到邊,應該點填表?

好多背包客都係去到先諗住邊,呢種情況如實作答係會百分百被卡關的!即使您沒有計劃在手上,也建議先查定一間大路酒店的地址和電話,暫時填住先!唔好同海關作沒必要的爭持,網民指解釋都無用,仲會被Check咗成個鐘,最後咪係要死死地氣填返個地址,先能夠入境。浪遊人士,唔好懶瀟灑,揾定間酒店地址傍身啦!

Q4 | 查實,Airbnb係咪合法?

事實上,日本旅遊當局為了追趕安倍政府設下的遊客高增長率,早就安排措施擴大入境旅客的住宿選擇;今年初起,日本政府正嘗試逐漸合法化 Airbnb(民泊),由羽田機場附近的大田區當試行點,慢慢拓展到其他區。平台總算被認可,但係基於任何人都可以擺間房上去出租,實際上難以規管。嚴格嚟講, Airbnb 本質係合法,但裡面非法經營的民宿多的是。