測試項目:浮潛面罩

唔知大家有冇遇過一個好驚水嘅朋友?每次約去沙灘玩水,仲慘過叫佢地擔泥!驚水嘅感覺,我明,我真係明!因為我本身都係驚水一族,仲要係勁細膽嗰隻!只可惜老天爺總是跟我開玩笑,驚水的我竟被派到水上樂園出差,嗚啊!

【準備篇】為了去水上樂園採訪,怕水的我決定⋯⋯

今次要去5月開幕的芭堤雅RamaYana Waterpark,當我聽到要玩激盪滑水梯一刻,水加離心力,幾乎喊出嚟!同事見我咁陰功,就介紹我試用網上最近熱傳的救命罩,個名好長,官方個名就叫做:

THENICE 全乾式吸管連防霧全面罩潛水鏡

不過我份人好簡單,跟坊間說法,直接叫佢做「浮潛面罩」就夠了!二話不說上網睇睇,原來浮潛面罩呢期hit到去台東,有水上活動中心更會租借面罩畀初學者用,聞說習慣用鼻呼吸的初學者,都唔怕被水濁親喎!作為一個專業的旅遊新聞從業員,我當然會完成任務,因此我決定網購一個定驚保平安!

【場地篇】芭堤雅 RamaYana Waterpark

抵達水上樂園,我先到泳池來個小測試,將面罩緩緩貼近水面,成個人會自動浮起,呈45度的頭頂水管會一直置在水面上,基本上唔會入水,但當我整個人直插水底,面罩隨即緩緩入水,相信面罩真的只是「浮」潛用!不過驚水如我呢種人,戴住去玩滑梯,究竟又會點?!!

【試用篇】喊驚直擊!

第1幕〉首個急灣,已經令水花不時濺到面上,好彩帶咗罩,完全feel唔到!

第2幕〉安全感好緊要,好彩面罩非常貼面,仲搞到我全程哨牙,勁樣衰!

第3幕〉玩完!連預期喉嚨入風而產生的作嘔感覺都完全消失,好神奇。

今次實測地是九曲十三彎的Python 滑水梯,戴面罩的我一如所料惹來旁人奇異目光,不過我唔理得咁多!

【試用後感】”怕水者好有用!”

今次浮潛面罩亂入測試,總算為超級怕水的我爭一口氣!帶上面罩後,安全感大大提升,內心的恐懼不安感覺亦降低唔少。雖然堅樣衰,但玩完真心覺得生存嘅感覺實在美好喇!