早幾日,GOtrip刊登了一篇有關掟爆喼該如何索償一文,引起網民熱烈討論之類,除有唔少個案回饋、並附上額外嘅注意事項,即睇下網民如何回應!

成功獲賠償:

  • 試過係日本機場攞行李發現掟爆左,同機場人員講佢地會送返個新嘅
  • 我係國泰係成功(多次)原來仲勁過係何鴻燊手上贏錢

淨係叫你返去自己Claim保險:

  • 試過去馬爾代夫爛喼,爛袋,搞咗個幾鐘,叫我返去claim保險,吹漲
  • 坐馬航,爛喼,同左航空公司嘅人report 之後,淨係俾左張紙,叫我返去online claim,最後什麼也claim不到!!

啋你都唗氣:

  • 如果去美國,唔好搭 AA,掟爛都唔會賠
  • 我間航空公司完全唔負責,我係claim 自己買果份旅保,我以後都唔會再搭Jet Airways 同再去SriLanka.

搭廉航要買保險:

  • 每間航空公司同機場做法都唔同,會視乎各種情況決定,一般會安排行李維修,即時賠錢或賠償一個同款新行李,但有啲廉航只會提供一封證明信比你去claim保險

強國賠償段斤計?

  • 上次聽收音機話大陸賠償係段斤計, 每斤賠唔知100定200, 有個寄好貴嘅古玩嘅人發現古玩全粉碎, 最後唔唔知拎唔拎得番幾百蚊

喺行李輸送帶上撞爆又點?

  • 常有爆有爛都會賠,不過如果係廉航就可能淨係出封證明信比你claim保險

個samsonite第一次用,去日本落機見到一條勁長的好深花痕,因為唔知邊個機場造成,咁點投訴?

  • 花痕好多時都唔賠,不過可以試下即時係機場禁區入面問下職員有無得賠,此時最好有單據證明購買日子

慘不忍睹的案例:

  • 我個喼 並唔係俾職員掟爛咁簡單 根本就是人為疏忽導致遭拖行及輾碎

鬧爆掟喼行為:

  • 點解可以容許機場掟喼?酒店又唔見會掟喼?
  • 點解幼稚園掟書包就有人鬧,但航空公司職員成日咁掟喼就冇人鬧?個喼係咪唔值錢唔算財物

詳細個案分享:

  • 其實最重要係買旅遊保險。。。
    尤其是係搭廉航,今次去完日本掟爛咗兩個喼,一個有幾處裂咗,仲爆開有幾個窿,另一個拉捍掟爛咗一角。hkexpress 賠咗$200 (已經係最多,仲話多數唔會賠,只會比張證明你claim 保險)
    昨天岩岩收到AIG 嘅信, 兩個喼總共賠$1353(扣返航空公司已賠嘅$200 之後賠咗$1153)
    黑色個喼只係爛個拉捍,都應該算賠得多
    (兩個喼共價值$2000)