最近越來越多人去日本唔住酒店,改住Airbnb,貪佢夠平,又可以體驗當地文化。但一㩒入去官網,閒閒地都成千間,花多眼亂,都唔知揀邊間好。今次我哋就精選咗10間 大阪Airbnb 俾大家,咁就唔使揀得咁辛苦啦!首先介紹幾間地理位置非常方便嘅 大阪Airbnb ,附近就係shopping必去嘅心齋橋、難波,仲有食海鮮必去嘅黑門市場同玩極都唔會厭嘅USJ附近嘅住宿,大家可以根據行程選擇!

相片來源:屋主的airbnb網站

▼一流地點超值推介▼

  1. 心齋橋中央,簡約北歐風房間

房價:HKD$439/2人(最多可住3人)

賣點:位處心齋橋中心地帶,行去心齋橋或難波站都係5分鐘,附近又多食肆同鋪頭,食嘢Shopping都十分方便。房間設計簡約,藍白北歐風格,小小一間已經有晒獨立嘅衞浴設施、㕑房同飯廳,仲有免費WIFI提供,每人都係HK$200左右,3個人入住鋪多張床喺地下,唔使加錢就再抵D。房東1家3口就住喺隔離,有咩需要幫手都可以隨時搵佢哋。(按此預訂

  1. 難波徒步5分每人$200有找

房價:HKD$368/2人( 追加HKD$184/1人,最多可住3人)

賣點:難波、日本橋徒步5分鐘可到,每人每晚$200有找,非常抵玩。咪睇佢房間細細,一樣有獨立衞浴設施,微波爐,洗衣機,WIFI等設備。屋主仲有2部單車提供預約,好適合想試下喺日本踩單車,扮下文青嘅朋友。(按此預訂

  1. 毗鄰JR站 2房1客飯廳大空間

房價:HKD$296/2人( 追加HKD$147/1人,最多可住4人)

賣點:徒步到芦原橋站只需3分鐘,難波都係行20分鐘左右,以呢個價錢可以住到一間近JR站,又大嘅屋真係超值!2房1客飯廳、㕑房及獨立衞浴設備完善,WIFI任用,空間感非常好。(按此預訂

  1. 黑門市場對面 小型房間

房價:HKD$336/1人(追加HKD$160/1人,最多可住4人)

賣點:住宿對面行幾步就係黑門市道,啱晒啲想一早去食海鮮嘅朋友。距離道頓堀徒步4分,難波徒步12分,日本橋徒步15分,地理位置一流,玩夜咗都唔怕冇車返唔到去。單人床2張,附小㕑房,衞浴設施,WIFI冷氣等設備完善(按此預訂

下一頁:人多都唔怕的5大靚位置住宿推介

最新的日本入境要求詳情?

在入境日本前,建議先用Visit Japan Web完成一部分檢疫手續,便能更快速地入境日本,即睇使用教學,例如註冊步驟及同行家人如何填寫等,以及買定日本電話卡

大阪有什麼好去處及景點推介?

大阪自由行必去這些景點,當中包括USJ大阪環球影城,即睇USJ門票及交通攻略。然而,去旅行怎可忽視美食部分?必到這些人氣美食餐廳,當中更有蟹宴放題平價米芝蓮餐廳之選。另外,不得不到溫泉旅館/按摩店溫泉主題樂園全新門真大型三井Outlet商場臨空城OUTLET。準備到日本賞櫻花的大家,可預先一看日本櫻花花期預測