香港人去韓國旅行最鍾意就係買化妝品、護膚品同襪仔做手信,間唔中仲會買下零食同泡菜畀自己返屋企慢慢嘆。咁你又知唔知韓國人嚟香港旅行最鍾意買咩呢?韓國資訊網站 Dingo Travel 就為大家介紹了 13 樣韓國人至欣賞、又平又抵嘅 香港手信 ,一同撐港貨!

撰文:GOtrip編輯部|圖片來源:offical

 

1.口味多多 Lipton奶茶粉

韓國人好鍾意飲茶,山長水遠來到香港,當然要買定奶茶返屋企做存貨!Lipton奶茶粉有咁多隻味,一於買晒返去!

韓國遊客真心推介的香港手信|Lipton奶茶粉
韓國遊客真心推介的香港手信|Lipton奶茶粉(圖片來源:FB@lipton)

韓國遊客真心推介的香港手信|Lipton奶茶粉
韓國遊客真心推介的香港手信|Lipton奶茶粉(圖片來源:FB@lipton)

2.旅遊常備 保濟丸

細細粒,易入口又易買到,真係有唔舒服,遍地藥房都即刻搵到,識貨!

韓國遊客真心推介的香港手信|保濟丸
韓國遊客真心推介的香港手信|保濟丸(圖片來源:FB@保濟丸)

3.棚牙點都要夠靚 黑人全亮白竹炭深潔牙膏

韓國人飯前飯後都習慣刷牙,一日刷幾次,至緊要夠白夠靚。呢隻美白牙膏有效又大支,唔怪得要買定返韓國!

韓國遊客真心推介的香港手信|黑人全亮白竹炭深潔牙膏
韓國遊客真心推介的香港手信|黑人全亮白竹炭深潔牙膏(圖片來源:FB@Darlie Hong Kong)

4.通鼻塞、暈浪都使得 和興白花油

有韓國遊客就話白花油好神奇,通鼻塞、暈浪都使得,仲話跌親塗完都精神番。

香港手信 圖片:www.whiteflower.com
韓國遊客真心推介的香港手信|和興白花油(圖片:www.whiteflower.com)

5.港式口味帶回家 大排檔奶茶

佢哋真係好鍾意飲茶,香港口味通通都鍾意,要買!

香港手信 圖片:www.kampery.com.hk
韓國遊客真心推介的香港手信|大排檔奶茶(圖片來源:www.kampery.com.hk)

6.食都要食得夠可愛 Hello Kitty 杯麵

影相要可愛,著衫要可愛,韓國人連食都講究美觀可愛。Hello Kitty魚片嘅杯麵成為佢哋香港食物的可愛之選!

韓國遊客真心推介的香港手信|Hello Kitty 杯麵
韓國遊客真心推介的香港手信|Hello Kitty 杯麵(圖片來源:amazon)

7. 空氣差?唔怕!曼秀雷敦爽鼻通

爽鼻通噴霧,香味清新又可以改善鼻敏感問題,係韓國遊客嘅真心推介。

韓國遊客真心推介的香港手信|曼秀雷敦爽鼻通
韓國遊客真心推介的香港手信|曼秀雷敦爽鼻通(圖片來源:曼秀雷敦官網)

8.用佢修護受損肌膚 Vitacreme B12 瑞士B12亮顏喚膚霜

缺乏維他命B12有機會易抑鬱又易貧血,既然吸收未必足夠,韓國旅客就鍾意買呢隻慢慢塗,又可以護膚,正。

韓國遊客真心推介的香港手信|Vitacreme B12 瑞士B12亮顏喚膚霜
韓國遊客真心推介的香港手信|Vitacreme B12 瑞士B12亮顏喚膚霜(圖片來源:amazon)

9.暖暖胃、補補身 Ranong 薑茶

雖然係泰國出品,不過韓國人就鍾意來香港買,估唔到薑茶咁出名!

韓國遊客真心推介的香港手信|Ranong 薑茶
韓國遊客真心推介的香港手信|Ranong 薑茶(圖片來源:amazon)

 

10.紓緩胃痛良藥 我可舒適Alka-Seltzer

出門最驚就係自己食錯嘢,傷咗個胃痛到冇晒心情!不過韓國人就唔怕,喺香港一沖我可舒適飲,好番晒。

韓國遊客真心推介的香港手信|我可舒適Alka-Seltzer
韓國遊客真心推介的香港手信|我可舒適Alka-Seltzer(圖片來源:amazon)

11.揚名國際本土靚茶 明茶花飲

「明茶房」係100 %本地設計,除咗韓國人識之外,仲連美國奧斯卡獎都用過佢哋嘅靚茶招待,你又點可以唔支持?

韓國遊客真心推介的香港手信|明茶花飲
韓國遊客真心推介的香港手信|明茶花飲(圖片來源:FB@MingCha Tea House)

12.沖奶茶必備 黑白淡奶

韓國網民欣賞黑白淡奶,原因係話將呢個奶落喺咖啡同奶茶入面,就可以即刻變成香港style ,喺屋企都感受到香港茶餐廳嘅味道。原來又係關茶餐廳事,難怪!

韓國遊客真心推介的香港手信|黑白淡奶(圖片來源:FB@至愛黑白淡奶 I ♥ Black & White
韓國遊客真心推介的香港手信|黑白淡奶(圖片來源:FB@至愛黑白淡奶 I ♥ Black & White

13.除咗辣味,公仔麵仲有好多隻味

喺韓國買包公仔麵,唔係辣味就係芝士辣味,難怪韓國人到港見到林林總總嘅出前一丁口味,都要大買特買!

香港手信 圖片:www.megaoriental.co.uk
韓國遊客真心推介的香港手信|出前一丁公仔麵(圖片來源:出前一丁)