空姐空少同乘客第一個「衝突」嘅時刻,通常都係登機嗰一刻。自從某日起,我哋要喺門口檢查乘客嘅登機證,但乘客經常覺得佢哋自己已經知道坐邊,然後就會話我哋係侮辱佢哋嘅智慧,仲要佢哋攞多次啲證件,咁樣就會好麻煩。所以通常企門口登機嘅同事,嗰廿分鐘嘅時間就可以令到三分一嘅乘客「嬲豬」。

0
登機前,空姐空少都會檢查乘客的登機證。(圖片來源:unsplash)

港男:「我梗係坐呢班機,我做咩要畀你睇!」

不過呢,要知道點解我哋要睇你登機證呢?除了因為我哋要確保你真係坐呢班機,最大嘅concern都係安全,唔希望有啲唔係坐呢班機嘅人走咗上嚟,所以安全上嘅職責,我哋真係有絕對嘅權力去檢查,唔畀我哋睇,就會有以下嘅下場。

阿姐:「阿仔,幫我去問個客攞登機證,佢衝咗入嚟。」
我:「先生,麻煩出示返登機證吖,因為我哋要確保你係坐呢班機。」
香港男人:「我梗係坐呢班機,我做咩要畀你睇!」
我:「先生,呢個係安全條例所要求,麻煩你出示。」

0
不過總會遇到不合作的乘客。(圖片來源:《衝上雲霄II》劇照)

0
示意圖,非當事人(圖片來源:小紅書)

拒絕出示登機證 機長有權請乘客離開飛機

當然佢一定堅持唔畀,要知道,只要一個人喺飛機故意妨礙我哋履行職務或者拒絕遵從安全嘅指引,我哋有權對佢發出警告,或者甚至將佢趕落機嘅。
我:「先生,我依家向你發出口頭通知,如果你堅持唔出示,我會通知機長請你離開飛機。」

用到呢個原因,佢死死地氣終於肯攞個登機證出嚟,但說時遲,那時快,原來已經有人通知咗機長,而來自香港嘅副機長已經企咗喺我後面。
「就係因為你一個人嘅自私,令我哋班機delay,我會通知公司,考慮對你追討班機delay帶嚟嘅損失。」
然後頭也不回,就走返入駕駛艙。

登機證
只要一個人喺飛機故意妨礙我哋履行職務或者拒絕遵從安全嘅指引,我哋有權對佢發出警告,或者甚至將佢趕落機嘅。(圖片來源:電影《老男孩》劇照)

登機證
其實只係攞出嚟畀我哋睇一睇,點解為咗啖氣而搞到咁大鑊?(圖片來源:GOtrip編輯部)

其實只係攞出嚟畀我哋睇一睇,點解為咗啖氣而搞到咁大鑊?如果我哋真係要佢離開飛機,佢張機票改簽嘅錢,係由佢自己負責,咁又冇面又要浪費錢,何必呢?

圖片來源:GOtrip編輯部、電影《老男孩》劇照、unsplash@jaimie_96、《衝上雲霄II》劇照、小紅書