櫻花味|櫻花季就到啦,一到櫻花季時節,Facebook、Instagram總會被一堆櫻花打卡照、粉紅色食品洗版。市面上一大堆標榜「櫻花味」嘅食品/飲品,見就見得多,但就算食過「櫻花味」食品,食完都只係覺得有種特別嘅甜味⋯⋯究竟「櫻花味」係咩嚟?睇睇日本味覺協會嘅水野考貴先生解釋關於「櫻花味」嘅謎思!

「櫻花味」謎思

Q1:其實「櫻花味」係幾時、點樣誕生?

A:水野先生指,櫻花味嘅原形,相信係嚟自「櫻餅」呢款和菓子。櫻餅於江戶時代誕生,當時長命寺嘅門衛・山本新六用放喺樽內嘅鹽漬櫻葉製作出櫻餅。呢個講法係目前最有說服力嘅。

櫻花味 水野先生指,櫻花味嘅原形,相信係嚟自「櫻餅」呢款和菓子
水野先生指,櫻花味嘅原形,相信係嚟自「櫻餅」呢款和菓子(圖片來源:新傳媒資料庫)

Q2:咁「櫻花味」其實即係指咩味?

A:水野先生解釋,櫻花味其實係「櫻葉與櫻花的風味」。主要由鹽漬櫻葉時滲出的成分「香豆素」,產生出大家普遍稱為「櫻花味」嘅風味。而櫻餅嘅風味,亦是源自「香豆素」。

櫻花味 水野先生解釋,「櫻花味」其實係「櫻葉與櫻花的風味」。
水野先生解釋,「櫻花味」其實係「櫻葉與櫻花的風味」。(圖片來源:新傳媒資料庫)

「香豆素」喺葉同花之中,係處於同其他物質結合起嘅狀態,並留於細胞之中,此時並冇任何風味或味道。透過用鹽醃漬花同葉,或將其弄碎,與細胞外嘅酵素作出反應,衍生出「香豆素」,並形成獨特風味。

櫻花味 「櫻花味」嘅食品,即使製法不一,但味道上都係源自於「香豆素」。
「櫻花味」嘅食品,即使製法不一,但味道上都係源自於「香豆素」。(圖片來源:新傳媒資料庫)

唔同嘅食品公司或商品,都會有將櫻葉及櫻花製成果醬狀,又或抽取出萃取物等不同「櫻花味」製法,但基本上都係利用「香豆素」嘅風味製作而成。

Q3:「櫻花味」同「櫻桃味」係咪一樣?定係完全唔同?

A:水野先生話,「櫻花味」同「櫻桃味」係兩樣嘢嚟。「櫻花味」係同櫻花嘅「葉」同「花」相關嘅風味,而「櫻桃味」係櫻花「果實」嘅風味。另外,櫻桃並唔係源自日本國內一般作為鑑賞用嘅櫻花(染井吉野櫻等),而係其他品種(西洋實櫻等)嘅果實。

櫻花味 櫻桃並非來自一般觀賞用的櫻花種類。
櫻桃並非來自一般觀賞用的櫻花種類。(圖片來源:新傳媒資料庫)

Q4:點解大多數日本人都覺得「櫻花味」好味?

A:水野先生指,可能與「本身就鍾意櫻花味(櫻花的葉與花)」有關,相信覺得「櫻花味」好味嘅原因,係因為被「櫻花」所持有嘅印象大大影響。

人喺感知味道嘅時候,唔係完全靠味道本身嚟分辨,由眼睛及耳朵等接收到嘅情報亦會有所影響。舉例說,如果係食拉麵,會覺得人龍店嘅似乎會更好食,而覺得即食食品好味,也會被工廠或公司牌子嘅印象左右。日本人對「櫻花」所抱持嘅良好印象,相信亦給予咗「櫻花味」好大嘅良性影響。

圖片來源:新傳媒資料庫