唔好話自己冇講過大話,你知唔知去旅行嗰時,你講嘅次數仲多過平時?因為大家會覺得旅行係最美好!唔信?咁就要睇下你自己中咗幾多句 旅行謊言 喇!

photo: 網上圖片

01 | 行路會燃燒脂肪

去旅行梗係要食當地嘅美食,但係真係好難先食到咁地道,所以多數都係食咗先算!不過喺這個時候,就會有把聲同自己講:「唔緊要啦,啱啱搵路搵咁耐,都做唔少運動,當補充番啫!」就係咁,大家點行都好,都係咁肥。

02 | 個袋真係夠位裝

購物是旅行的任務,但如果怕個篋超重,就會係咁裝嘢喺袋,因為你個袋真係夠位,但係會好難拉上拉鏈!所以當大家拉到拉鏈嘅時候,仲可以攞上機,就會有莫名的成就感。不過大家要對自己個袋好少少,少少就夠!

03 | 周圍瞓冇難度

有時啲時間奇奇怪怪,真係唔知住酒店定係隨便搵地方瞓,不過為了自己有多啲旅費,都係決定瞓機場、巴士、火車或者公園,大家要相信人性本善!講真嗰句,大家都會有少少驚嘅,世界上咩人都有,梗有一個壞人喺附近。可能大家係有瞓,不過係輪住瞓。

04 | 唔理公司文件

應該唔少人去旅行前都會講過,就算公司點搵自己都唔會覆,因為放緊假!但當同事十萬火急咁搵你,係咁 send message又好,瘋狂打電話畀你都好,總有一剎那,你會頂唔順聽咗。就係這一瞬間,你就輸了!因為你已經知道自己要處理。大家樂觀啲,理咗咪當畀好印象公司。

05 | 早機一定知醒

搭早機可以平啲,對自己好有信心起到身,因為去旅行同返工根本唔同,一定會知醒!但係又唔知點解自己經常喺機場跑,到機場又要跑,check-in 又要跑,登機都要跑。不過跑已經唔緊要,最重要係唔好播我個名。

06 | 酒店嘅被係乾淨

任何住宿都係打理好先會畀下一個客人入住,點污糟都一定洗下先再用嘅。提提大家,不要太天真,要自己注意衛生!

07 | 帶去一定會著

平時有啲衫係冇咩機會可以著到出街,所以一定要喺旅行著!一來有機會可以畀自己著出街,二來就算怪都冇人識我。但大家會為咗影下旅行照,最後都會唔著!

08 | 唔可以浪費時間喺酒店

大家去旅行係為咗去玩,所以酒店係除咗瞓同打理自己,係唔可以留喺度。但大家最後情願留喺酒店瞓一日,之後隨便揀附近嘅餐廳食飯就算,因為旅行係為休息是一個道理。

09 | 對鞋唔會著到起水泡

好靚啊!一定要買,唔會對對鞋都會著到自己起水泡嘅!不過都要帶定膠布先。

10 | 天氣唔會咁凍

天氣報告話會凍,不過天氣不似預期是常識吧,到時都唔會咁凍嘅,都係唔帶厚衫去,咁個篋先多位。都係叫朋友帶,真係凍,問佢借咪得囉!

11 | 唔會過budget

旅行唔一定要 shopping ,預個 budget 畀自己,咁咪唔會用好多錢!都係帶定張卡,唔夠錢都可以簽卡。

12 |  唔會經常用電話

去到外面,就要令自己脫離現實,唔會成日浪費時間喺手機上!啊~影咗張相唔記得要 up!