「港男愛台妹」都唔知第幾年聽到,所以一知道男人去台灣,大家都會叫佢去「識到台妹先好返香港」。早前 ViuTV 都有個節目講「港男識台妹」,被訪者表示台灣女生對港男都甚有好感。雖然台妹可遇不可求,但各位港男在台灣女生心目中,其實何嘗唔係一塊寶呢?! 台妹愛港男5大優點,快快看看自己中多少項!

撰文:Joey (《 經濟一週》 ) / 圖:網上圖片、ViuTV

喺港男眼中嘅台妹形象就係又靚又溫柔,天生識得撒嬌,所以一定係想識台妹多過港妹。咁不如又睇下台妹鍾意港男啲咩!

印象01 | 「港男有上進心」

可能港男成長於弱肉強食的社會,所以會好自然咁做事認真又獨立。原來咁樣做,除咗可以保住份工,仲可以成功令到台妹覺得港男有上進心。認真做事的男人是最帥,原來係啱㗎!所以你仲唔勤力啲!

印象02 | 「港男談吐有禮」

同香港女仔傾談,唔多唔少都要注意自己講過咩。因為一個唔小心講錯嘢佢唔啱聽,輕則你會被人打,重則你會被人怪罪到成為一個千古罪人,所以對住女仔,港男一早受到嚴格的訓練。自問你身邊圍繞都係男仔頭嘅女仔,對住台妹記得小心說話喇!

印象03 | 「風趣幽默」

識得講笑嘅男士,喺女士心目中一直都係加分。因為兩個人約會都唔會有悶場,仲可以好開心,雖然可能喺女士耳中只係一個爛 gag ,但喺台妹眼中你係一個好幽默的人。如果大家有機會同台妹相處,不妨講多幾句笑話!

印象04 | 「港男風度翩翩」

「你係一個男仔,就要讓女仔!」呢句喺自己仲係小朋友時,就係聽媽媽講,大個仔就聽自己啲女性朋友講,可能曾經你會諗現在是否性別歧視。但其實非也非也,因為台妹認為港男比較有風度會幫個女仔埋單,所以話有風度係幾咁重要!

印象05 | 「港男月薪夠高」

之前就有個台灣媒體喺台北做街訪,問下啲台妹覺得伴侶要有幾多月薪先適合做結婚對象呢?答案普遍為3至4萬元新台幣,折合大概7,400至10,000元港幣,有少數仲話22,000蚊新台幣(即大約5,400元港幣)都肯嫁添!咦!咁咪即係大部分嘅在職港男都符合條件!?仲唔係機會 ?

不過呢,想娶個台妹嘅港男都要注意一點,台灣女仔普遍都幾依賴另一半, 事業心唔重,同日本女仔一樣都主張婚後男主外,女主內,專心相夫教子而唔出去工作,所以港男都要衡量一下自己嘅經濟能力,或者要同你嘅台籍伴侶有共識呀!

Tags :