去旅行，揀酒店除了要留意價錢同位置，當然要睇埋配套設施，如果有靚景又有得玩，一定再加分！台南的「 趣淘漫旅 」是全台首間冒險體驗酒店，事關入住的旅客可以玩盡不同的極限運動，就如攀岩、Skywalk、War Game戰場，最誇張係連Zipline同Bungy Jump都有得玩！即日至12月更推出優惠，二人同行玩3日2夜每人只要NT3,700/HK$910，平均一晚唔使$500，仲包早餐兼送3項冒險體驗，好抵玩！
01| 住酒店狂玩6項極限運動
「趣淘漫旅」的位置唔算好方便，來往市中心要靠專車接送，去到酒店冇嘢玩咪一定好悶？放心！酒店主打極限運動體驗，暫時提供6項刺激設施，包括攀岩、Skywalk、War Game戰場、高空滑索、高空漫步及最刺激的Bungy Jump，每項運動都有專人在旁指導，享受刺激冒險時，保證玩得安心又放心！最重要是可同朋友齊齊玩，或組隊跟初次見面的客人挑戰團體競賽活動，肯定好開心！網上團隊勾破七八 Filter Story一行8人已於10月尾率先試玩，個個都話勁刺激，而且在台灣好少可以咁集中咁玩齊所有極限運動。不過酒店位置真偏僻，所以建議大家入住2日1夜/3日2夜，全程留在酒店玩到夠先走。
02| 文靜派？挑戰密室逃脫嘆靚景泳池
男朋友狂玩，女仔會好悶？酒店內有一個超過30,000平方呎的戶外靚景泳池，自拍selfie影like閃卡毫無難度，入夜後更會有搖滾派對，隨時同朋友飲酒狂歡！仲可以挑戰腦筋急轉彎的密室逃脫，或者去附近的曾文水庫搭乘獨家的環湖遊艇，近距離欣賞老鷹盤旋或垂釣，享受山巒層層圍繞的怡然自得，肯定唔怕冇嘢玩！
趣淘漫旅
地址：台南市楠西區密枝里密枝102-5號
電話：+886-06-575-3333
房價：3日2夜入住二人房，每人NT3,700/HK$910（包括早餐同3項冒險體驗）
交通：於新營火車站對面的新營客運站乘坐接駁專車
網址：www.chamcham.com.tw