藝人鄭中基早前於Facebook邀請大家分享「一人一個旅行之匪夷所思」,GOtrip編輯部亦有響應,不少網友都分享旅行遇到的搞笑、難忘經歷!

撰文:AY|圖片來源:GOtrip編輯部

一人一個旅行之匪夷所思

鄭中基曾在Facebook推出以「一人一個旅行之匪夷所思」為主題,收集網民意見,帖文亦引起網友熱烈討論,GOtrip編輯亦有響應分享旅行趣聞,更有不少網友留言分享旅行的有趣經歷,當中有靈異、有搞笑,亦有暖心經歷,令人大開眼界!

鄭中基設立YouTube頻道並推出「匪夷所思」系列,早前以「一人一個旅行之匪夷所思」為主題,引起網友熱烈討論。(圖片來源:GOtrip製圖)
鄭中基設立YouTube頻道並推出「匪夷所思」系列,早前以「一人一個旅行之匪夷所思」為主題,引起網友熱烈討論。(圖片來源:GOtrip製圖)

1. 歐遊畀人打劫都有價講

一人一個旅行之匪夷所思|歐遊比人打劫都有價講(圖片來源:GOtrip編輯部)
一人一個旅行之匪夷所思|歐遊比人打劫都有價講(圖片來源:GOtrip編輯部)

我試過一個人去歐遊,機場攞行李已經成個行李唔見咗,然後到hostel中間遇劫匪,佢開價1,000 euro講價到10 euro畀咗佢,原來比人打劫都有價講!

2. 旅行團無通知,到機場班機已飛走

一人一個旅行之匪夷所思|旅行團無通知 到機場班機已飛走(圖片來源:GOtrip編輯部)
一人一個旅行之匪夷所思|旅行團無通知 到機場班機已飛走(圖片來源:GOtrip編輯部)

人生第一次搭飛機去旅行,在澳門報團,由澳門搭船經香港飛,去到機場完全搵唔到個領隊,亦唔見有任何團友,打電話去香港嘅旅行社,問點解嘅?回覆竟然係:對唔住呀!因為全團都係香港人,得你兩個澳門人,N日前飛機安排上出現了點問題,通知晒所有團友,飛機會早一個鐘飛,但忘記咗通知澳門戈邊旅行社,班機已走咗了,依家我地即派一個員工飛車嚟機場,安排下一斑最快嘅飛機俾你兩位飛吖。。。戈刻我言了。最後補上一句:提提你,當地今天是假期,未必搵到員工响機場接你地機join番D團友,若真係咁不幸。你响機場再打長途俾我地(香港旅行社),睇下可以點幫到你⋯⋯

3. 好心做壞事,被指厚多士!

一人一個旅行之匪夷所思|去旅行好心做壞事(圖片來源:GOtrip編輯部)
一人一個旅行之匪夷所思|去旅行好心做壞事(圖片來源:GOtrip編輯部)

我試過…一個人去外國旅行,見到有一對老夫婦
(A)幫另一對老夫婦(B)影相..我懶好心行過去話:我幫你地影呀。佢地拒絕咗,我以為佢地怕醜,我再堅持佢哋一齊過去影…影完後我先發現…..原來佢地係唔識嘅…從此B夫婦嘅相機就多咗一張同陌生人(A)嘅合照…我嗰下真係覺得自己厚多士到一個點😅。

4. 去北韓,Pocky當煙仔孝敬軍官

一人一個旅行之匪夷所思|去北韓Pocky當煙仔孝敬軍官(圖片來源:GOtrip編輯部)
一人一個旅行之匪夷所思|去北韓Pocky當煙仔孝敬軍官(圖片來源:GOtrip編輯部)

幾年前去北韓旅行,坐火車入咗北韓境嘅時候會有軍官上車檢查每卡車廂。導遊之前話過檢查完之後要俾包煙佢哋。檢查完之後個軍人冇走到,有少少示意我哋孝敬下佢嘅意思。但係我哋個包廂冇人食煙,我即刻拎咗包Pocky比佢,叫佢一齊坐低食,仲傾得幾開心。

5. 誤信APP去錯公墓

一人一個旅行之匪夷所思|誤信APP去錯公墓(圖片來源:GOtrip編輯部)
一人一個旅行之匪夷所思|誤信APP去錯公墓(圖片來源:GOtrip編輯部)

比app亂點咗去基隆第一公墓

6. Check in去錯殯儀館

一人一個旅行之匪夷所思|Check in去錯殯儀館(圖片來源:GOtrip編輯部)
一人一個旅行之匪夷所思|Check in去錯殯儀館(圖片來源:GOtrip編輯部)

我同老公,家姐帶住年邁的母親去日本福島環島自駕遊,行程其中一天因天氣關係,那天落好大雪,遲了到達某個郡,到達已經晚上8點,加上母親因有糖尿,不能太餓,我們開始急了…GPS終於到達我們要找的旅居,再望望招牌(全日本字),應該冇錯(因全街只得一開著燈),我們心急想盡快安頓我媽咪入房,加上日本晚上8點已經好夜,又怕日本人以為我地放飛機,連晚餐的一泊兩食都冇埋,到時就慘了(街上已經沒有任何商店營業),到達泊好車,好快手落車推著幾喼行李直奔旅居 Reception,入去櫃檯前冇人,只好按檯前的鈴鐺,噹噹噹…心想希望職員未瞓,希望仲有得食飯啦,同一時間家姐為了快捷,已經由行李取了全部人passport 出嚟等check in,終於有人前來,用好奇怪的眼神望我們一家人,我心想是否我們太遲佢連房間都取消埋?

我家姐二話不說全部passport 推出嚟話:check in check in。跟住兩個日本人不斷用日文不斷推返啲passport 比我哋。但我地又唔知佢講乜,感覺上好似叫我地走,我地唯有係咁say sorry,用簡單英語話我地因天氣關係遲到等等希望佢哋見諒,但依舊推返啲passport 比我哋。

在我家姐同職員交談期間,我看見啲人客出出入入都用好奇怪的眼光望著我們,我心想啲人做乜咁夜仲出出入入嘅?經一輪雞同鴨講的時間,終於找了一個比較後生的職員出來,但他英文一樣屎,最後佢簡單問我地booking嘅記錄,他指住我的booking紙說not there,我地才恍然大悟(咁這是什麼地方),個後生職員用有限英文解說這裏是……殯儀館,啋啋啋…仲話要chech in,話電話no.啱(GPS是入當地電話號碼),但温泉旅居一直冇更新所以我哋嚟錯,之後個職員好好,佢自己行路叫我哋揸車跟住佢,佢帶我哋到達温泉旅館。這經歷除了好笑之外,見得出日本人好有禮貌及耐性,加上咁凍天氣帶我地去又自己行返嚟(其實都唔關佢公司事,佢仲要跑步帶我地去都要10分鐘),我相信只有日本人才會這樣做。

7. 望到靈體穿牆

一人一個旅行之匪夷所思|望到靈體穿牆(圖片來源:GOtrip編輯部)
一人一個旅行之匪夷所思|望到靈體穿牆(圖片來源:GOtrip編輯部)

往日本廣島旅行,於酒店房內親眼目睹靈體穿過牆壁(好似有一道門咁樣)進入我間房再向門口方向行去…….最驚嚇係佢回頭望我一眼……當時情景至今還印象深刻。

8. 當年未有Google大神,差啲瀨嘢

一人一個旅行之匪夷所思|未有Google大神 差啲瀨嘢(圖片來源:GOtrip編輯部)
一人一個旅行之匪夷所思|未有Google大神 差啲瀨嘢(圖片來源:GOtrip編輯部)

當年仲係用緊Nokia,未有手機Google 大神,自己一個人自由行去遊大阪,行程都好順利,但點知走嘅時候去機場返香港,差啲出事⋯⋯

話說當時要坐JR去機場,已經問好哂(身體語言)站內某個月台等車,企喺度等等,發現企隔離無遠,有對男女係咁望住我又講下嘢,我當時就奇怪,我有乜嘢畀佢望?我就對個女士微笑一下,佢就即刻走埋來對我講 Can you speak English ?
我答Yes !

佢就繼續用純正英文問我係咪去機場?
我答Yes!
佢就即刻解釋比我知,我企錯位,去機場係要企車頭位置,因為只有第一卡車係去機場!
嘩嘩!我心都離埋,即刻唔該哂佢,拖行李跑去車頭位置,剛好車到,上咗車行10分鐘,就見到我坐嘅第一卡,同後面車卡分開,後面車卡係去和歌山,如果唔係呢位女士好心講我知,我就真大鑊,繼續Stay Behind!