新年電影|農曆新年沒事做?不如去重溫一下經典賀歲片!GOtrip編輯部為大家推薦7套新年必看的賀歲片,有部分Netflix及YouTube都有得看,拜年都可以隨時開來重溫翻看,一家人一齊爆笑過新年!

新年電影|經典賀歲片7大推薦

新年電影|1.《嚦咕嚦咕新年財》(2002)

說到農曆新年,就一定一定要打麻將。相信大家都曾經看過2002年上映的《嚦咕嚦咕新年財》,由劉德華、劉青雲、古天樂、梁詠琪及應采兒領銜主演。

新年電影 農曆新年賀歲片, 嚦咕嚦咕新年財
德華被詛咒「一世摸爛牌」。(圖片來源:《嚦咕嚦咕新年財》電影截圖)

故事大約講述天生愛打牌的德華被詛咒「一世摸爛牌」,又不忍自己的前女友詠琪愈學愈壞、牌品變差。所以德華就利用打牌教導詠琪做人道理「人品好,牌品自然好」、「愈爛嘅牌,愈要畀心機打」,真的是至理名言!

新年電影 農曆新年賀歲片, 劉德華, 劉青雲, 古天樂, 梁詠琪, 應采兒, 嚦咕嚦咕新年財
由劉德華、劉青雲、古天樂、梁詠琪及應采兒領銜主演。(圖片來源:《嚦咕嚦咕新年財》電影截圖)

新年電影 農曆新年賀歲片, 嚦咕嚦咕新年財
由劉德華、劉青雲、古天樂、梁詠琪及應采兒領銜主演。(圖片來源:《嚦咕嚦咕新年財》電影截圖)

新年電影|2. 《家有囍事》(1992)

賀歲電影《家有囍事》系列向來深受港人喜愛,92年出品陣容強勁的《家有囍事》,當中有星爺、哥哥等巨星演出。劇情講述一大家族的生活,角色性格獨特,啜核抵死的劇情,絕對引人發笑!

新年電影 農曆新年賀歲片, 家有囍事
《家有囍事》(1992)時至今日仍大受歡迎。(圖片來源:《家有囍事》電影劇照)

新年電影 農曆新年賀歲片, 家有囍事
1992年上映的《家有囍事》,齊集星爺、張國榮、黃百鳴、張曼玉及吳君如等多位巨星。(圖片來源:《家有囍事》電影劇照)

新年電影|3. 《整蠱專家》

講起周星馳,點可以唔提起《整蠱專家》?《整蠱專家》由劉德華、周星馳、關之琳和邱淑貞領銜主演。劇情講胡真(周星馳 飾)自認整蠱專家,誰知道一次整蠱,導致公司損失重大生意,又因為追女而被人記恨,反而被人請了「整蠱專家」來實行大報復!

新年電影 望到周星馳Chok爆自信樣,大家想不想看看他反被「整蠱專家」整蠱翻轉頭?
望到周星馳chok爆的自信樣,大家想不想看他反被「整蠱專家」整蠱番轉頭?(圖片來源:《整蠱專家》劇照)

新年電影|4. 《精裝追女仔》(1987)

來到新年,又點可以錯過《精裝追女仔》?《精裝追女仔》由周潤發、張曼玉領銜主演,講述在車房工作的三個死黨——爛口發、吳准少與交通燈齊齊扮有錢仔追女仔的故事。想當年電影上映時風靡全港,每年新年都會被人翻睇,重溫再重溫。

新年電影 周潤發在電影中擔任主角,發哥Fans點可以唔一煲再煲?
周潤發在電影中擔任主角,發哥fans點可以唔一煲再煲?(圖片來源:《精裝追女仔》電影截圖)

新年電影 望到電影曾志偉及陳百祥當年仍然後生有朝氣,真係好唏噓。
睇到曾志偉及陳百祥當年仍然後生有朝氣,真係好唏噓!(圖片來源:《精裝追女仔》電影截圖)

新年電影|5. 《行運超人》(2003)

2003年發行的《行運超人》即使已相隔多年,片中對白依舊記憶猶新,好似鄭中基:「就睇下你個羅庚勁,定係我個神算醒。」還有平時cool到核爆的梁潮偉爆出一句:「中狀元,救老母,時間啱啱好!」

新年電影 賴師傅整給葉孤紅的生日蛋糕都是經典
賴師傅整給葉孤紅的生日蛋糕都是經典。(圖片來源:《行運超人》電影截圖)

不過,最洗腦都是葉孤紅:「在我最倒楣的那天,會有個年輕武士,帶著孫悟空和豬八戒, 腳踏七色彩雲來救我。」而且港產片少有以風水做題材的賀年片,當年還請得蘇民峰師傅坐鎮!加上當時2003年市道不景氣,戲中有多句勉勵香港人的說話,輕輕鬆鬆度過2小時。

新年電影 丁蟹一句:「我地唔可以害人」
丁蟹一句:「我哋唔可以害人。」(圖片來源:《行運超人》電影截圖)

新年電影|6. 《最愛女人購物狂》(2006)

2006年上映的賀歲片,影片帶出了多個新潮語,包括「購物狂」、「選擇困難症」、「Cheap cheap cheap cheap cheap 購物狂」。而此片和以往的賀歲片一樣,以超誇張諷刺性手法演繹一套2小時的鬧劇。

新年電影 張柏芝當年真係又靚又好戲
張栢芝當年真係又靚又好戲。(圖片來源:《最愛女人購物狂》電影截圖)

當時更請到了小鳳姐相隔16年出山,她在片中飾演資深心理學家兼終極購物狂,片中有句:「呢件、呢件呢件呢件唔要,其他全部同我包起佢。」而飾演她男朋友的羅家英一樣盞鬼,是一個粗口麻將患者,角色不比唐僧的「only you」輸蝕!

新年電影 「選擇困難症」一字都是這套戲已興起
「選擇困難症」一詞都是因這套戲而興起。(圖片來源:《最愛女人購物狂》電影截圖)

新年電影|7. 《少林足球》(2001)

新年當然要睇周星馳的搞笑電影,例如《少林足球》。故事講述由周星馳飾演對武術極度執迷的阿星,與幾個一無所有,只會少林武功的人,組成足球隊並贏得比賽的故事,劇情爆笑又勵志,啱晒新年睇!

新年電影 電影金句「做人如果冇夢想,同條咸魚有咩分别呀?」(《少林足球》劇照)
電影金句:「做人如果冇夢想,同條鹹魚有咩分别呀?」(圖片來源:《少林足球》電影截圖)

新年電影 電影《少林足球》,擁有「大力金剛腳」、「無敵鐵頭功」、「輕功水上漂」等超級球員的少林隊。(《少林足球》劇照)
電影《少林足球》中,擁有「大力金剛腿」、「無敵鐵頭功」、「輕功水上漂」等超級球員的少林足球隊。(圖片來源:《少林足球》電影截圖)

農曆新年有什麼必做?

農曆新年將至,想換新銀紙及「迎新鈔」的大家注意!即睇換新鈔及「迎新鈔」安排。而一系列應節食品現正提供早鳥優惠,當中絕對不能缺少蘿蔔糕。另外,當然要先入手新年禮盒!為大家整合今年的賀年禮盒早鳥優惠

新年好去處有哪些?

可到各大新年好去處,包括商場活動、年宵花市香港廟宇拜神開運行山路線

圖片來源:《嚦咕嚦咕新年財》電影截圖、《家有囍事》電影劇照、《整蠱專家》劇照、《精裝追女仔》電影截圖、《行運超人》電影截圖、《最愛女人購物狂》電影截圖、《少林足球》電影截圖