撰文：東方新地｜圖：《Mean Talk》節目截圖、蔡思貝IG
蔡思貝節目委屈落淚
蔡思貝和好姊妹賴慰玲和何雁詩上《Mean Talk》訪問，當蔡思貝被問到「買車買樓」新聞，姊妹何雁詩和賴慰玲指蔡思貝是「慳慳埋埋先有今日」。
之後蔡思貝更忍不住落淚指，自己平常不會將自己的辛酸說出來，而傳媒說的事自己更不會去澄清，但「冇人知道所謂嘅女一其實住200呎兼瞓碌架床」。
蔡思貝自爆曾被開價二百萬
之後主持問蔡思貝有冇被人問過價，蔡思貝、賴慰玲和何雁詩都表示收過，而且唔止一次。賴慰玲亦指曾收問價訊息：「會send訊息嚟問一晚幾多錢？」何雁詩亦表示：「亦收過有係幫老細問飯局後有活動，要我開價錢﹗」
蔡思貝直認不諱：「尋日先被人問完﹗我仲cap咗圖﹗」隨即把被問價短訊內容公開﹗江美儀話：「二十萬過夜價出手低，二百萬就話啫﹗」蔡思貝即答的確曾有人開價二百萬﹗
蔡思貝公開被問價短訊內容
林盛斌問大家咩價錢大家會有心動呢？蔡思貝問對方質素點先？江美儀表示唔論樣貌只睇價錢，賴慰玲開出二億價錢：「因為我會一世眨低我自己﹗兩億係好誇張，係用嚟彌補心靈創傷﹗」
蔡思貝：一定係億億聲
江美儀問如果對方真係肯付二億呢？賴慰玲：「咁咪諗囉﹗」蔡思貝亦點頭和應指二億會考慮，認同這個價錢會心動：「一定係億億聲﹗總之幾千萬冇可能心動，睇心理醫生都唔止呢個價啦﹗真係﹗彌補唔到心靈創傷，一世唔會去到超開心﹗」
