10年的愛情看似堅固,但都敵不過一次10日旅程。ViuTV《晚吹-戀講嘢》,請到29歲的文員Cyndi做嘉賓,分享旅程中男方不斷「踩地雷」的經歷,最終分手收場,意想不到的是「講this、this、this」亦是其中一個分手原因,惹來不少網民的負評!

戀講嘢 口罩小姐 戀講嘢 Cyndi目前單身。
Cyndi目前單身。(圖片來源:《戀講嘢》截圖)

《戀講嘢》Cyndi 曾參選《尾二一屆口罩小姐》

今次《戀講嘢》的嘉賓Cyndi現年29歲,職業是文員,目前單身,193介紹她曾參選去年的《尾二一屆口罩小姐》,原來她是50強參賽者,016號的Cyndi Chan,曾經用腳趾餵過193食士多啤梨,可惜最終未能打入到20強。193指當日Cyndi參賽時全程都戴著口罩,所以他之前從未見過對方個樣,更搞笑話:「淨係記得佢對腳有啲臭。」被3位女主持齊聲鬧「好衰」!而Cyndi則笑言今次她專登著靴收起對腳,免得勾起193的陰影。

戀講嘢 口罩小姐 戀講嘢 Cyndi去年曾參選《尾二一屆口罩小姐》。
Cyndi去年曾參選《尾二一屆口罩小姐》。(圖片來源:《戀講嘢》截圖)

戀講嘢 口罩小姐 戀講嘢 參選時的Cyndi。
參選時的Cyndi。(圖片來源:FB@ViuTV)

戀講嘢 口罩小姐 戀講嘢 Cyndi當日參選,全程戴著口罩。
Cyndi當日全程戴著口罩參賽。(圖片來源:《尾二一屆口罩小姐》截圖)

戀講嘢 口罩小姐 戀講嘢 在展現自己最有自信的身體部位環節,Cyndi選擇腳趾,然後被要求夾生果餵193,引發全場大笑。
在展現自己最有自信的身體部位環節,Cyndi選擇腳趾,然後被要求夾生果餵193,引發全場大笑。(圖片來源:《尾二一屆口罩小姐》截圖)

戀講嘢 口罩小姐 戀講嘢 193原本話自己屎都食過,冇嘢驚,所以有少少臭都打算照食,但最後粒士多啤梨跌了在地上,193逃過一劫,唔使食落肚。
193原本話自己屎都食過,冇嘢驚,所以有少少臭都打算照食,但最後粒士多啤梨跌了在地上,193逃過一劫,唔使食落肚。(圖片來源:《尾二一屆口罩小姐》截圖)

戀講嘢 口罩小姐 戀講嘢 Cyndi話今次上《戀講嘢》係專登著靴收起對腳,免得勾起193陰影。
Cyndi話今次上《戀講嘢》係專登著靴收起對腳,免得勾起193陰影。(圖片來源:《戀講嘢》截圖)

去歐遊有個伴仲衰過冇個伴

Cyndi憶述事情發生在4年前,當時她年約25歲,而男方比她大7年,兩人第一次正式去旅行,主要去英國同法國,是因為有兩人的共同朋友在法國南部舉行婚禮。她指兩人之前只一齊去過東堤小築之類的地方度假,以及在她返內地公幹時,男方都試過去探望和陪伴她。不過Cyndi指在內地時可能因為語言溝通到,所以並冇發生不快事,但去到歐洲就爭好遠。她更直言:「寧願自己去,有個伴仲衰過冇個伴!」

戀講嘢 口罩小姐 戀講嘢 Cyndi話佢本來對該次歐遊好期待。
Cyndi話佢本來對該次歐遊好期待。(圖片來源:《戀講嘢》截圖)

戀講嘢 口罩小姐 戀講嘢 經歷過旅行搞到分手後,Cyndi直言有個伴仲衰過冇個伴!
經歷過旅行搞到分手後,Cyndi直言有個伴仲衰過冇個伴!(圖片來源:《戀講嘢》截圖)

買衫時只識講「This、This、This」

Cyndi說本來好期望可以好小鳥依人地去依靠另一半,但結果男方完全唔識搵路、問路、plan行程,甚至連有少少事要問個Sales,都要推她出去問,令她覺得對方個腦和個心都冇帶過去,和他在香港時的表現完全不同,她指他在香港算是一個大男人。Cyndi又講到對方買衫時都係「This、This、This」,Helen即叫她不要恥笑這類人,因為她去到外國買衫時,都係狂講「This、This、This」,193亦為男方辯護,指他可能只是怕醜,而浩南和郭奕芯都認為這樣並無問題。

戀講嘢 口罩小姐 戀講嘢 Cyndi指前度在香港時性格比較大男人,去旅遊時卻唔敢出聲,仲要咩都驚。
Cyndi指前度在香港時性格比較大男人,去旅遊時卻唔敢出聲,仲要咩都驚。(圖片來源:《戀講嘢》截圖)

戀講嘢 口罩小姐 戀講嘢 話對方買衫時淨係識講「This、This、This」。
話對方買衫時淨係識講「This、This、This」。(圖片來源:《戀講嘢》截圖)

拒絕共舞惹不滿

Cyndi指這次旅行期間plan行程全部都是由她負責,都是去白金漢宮、教堂、博物館之類的地方,但男方卻諸多抱怨,又挑三揀四,向她發洩不滿,但並冇提出自己的意見,甚至在朋友婚禮上,拒絕和她跳舞。郭奕芯就話覺得唔可以只責怪對方,因為他始終都肯陪她去,而且他可能本身都不喜歡跳舞。Cyndi表示明白,因為對方本身在香港都不是很愛social的人,只是她自己希望可以同另一半一齊enjoy成件事,但她也想過每個人enjoy的方式可能都不一樣。

戀講嘢 口罩小姐 戀講嘢 Cyndi指這次旅行的行程全部由她plan,結果對方卻諸多抱怨。
Cyndi指這次旅行的行程全部由她plan,結果對方卻諸多抱怨。(圖片來源:《戀講嘢》截圖)

浩南笑男友對腳同樣退化

Cyndi大呻男方當時經常行半日就嗌攰,中途就要返酒店休息,她笑指可能他對腳已經退化了,在香港或內地時也是這樣。浩南就認同指阿輝都係咁!這時193即提醒她不要經常在鏡頭面前數落阿輝,免得被飛!他指這集播出後,阿輝會被朋友取笑「半日就冇力、好渣、後勁不繼」等,浩南即極速拉開話題,繼續訪問Cyndi。其後浩南忽然說去旅行時和另一半吵架的確是好難忘,她指出和前兩任Ex都有過這類的噩夢經歷,並大讚阿輝是她這世人遇過最好的旅伴,被193取笑她要補鑊讚番阿輝。

戀講嘢 口罩小姐 戀講嘢 Cyndi取笑前度三十幾歲對腳已退化,行一陣就見攰,引來浩南指阿輝都係一樣。
Cyndi取笑前度三十幾歲對腳已退化,行一陣就見攰,引來浩南指阿輝都係一樣。(圖片來源:《戀講嘢》截圖)

戀講嘢 口罩小姐 戀講嘢 之後浩南搵位補鑊,大讚阿輝是她這世人遇過最好的旅伴。
之後浩南搵位補鑊,大讚阿輝是她這世人遇過最好的旅伴。(圖片來源:《戀講嘢》截圖)

懶理女方捱凍堅持煲煙

Cyndi講到兩人最終分手,是因為逐件小問題累積而成,她舉例指旅行期間天氣好凍,但去到地鐵站口,男方仍堅持煲埋支煙先入去,同時仲周圍東張西望,要她捱住凍企在側邊呆等。但3位女主持則認為她未有講出口話自己好凍,亦好有問題。193就認為可能兩人拍拖時間太耐,令個男仔變得冇咁細心,Cyndi亦認同。

戀講嘢 口罩小姐 戀講嘢 Cyndi自言係懷住一個好美好的心情去外遊,想去經歷同儲一些回憶,但最後儲回來的回憶都有瑕疵。
Cyndi自言係懷住一個好美好的心情去外遊,想去經歷同儲一些回憶,但最後儲回來的回憶都有瑕疵。(圖片來源:《戀講嘢》截圖)

Helen分享去旅行被Ex狂鬧經歷

Cyndi又講到男仔為慳手續費,要求用cash拒用信用卡,但去到在法國的最後幾日,兩人不夠cash,店家卻拒收信用卡,結果買不到想買的東西。這時Helen就話無論是否去旅行,都盡量不要管另一半怎樣去用錢,她憶述曾和Ex去旅行的不快經歷,她說有一次兩人去到峇里,她想買一個好靚的玻璃魚缸,對方卻指罵她成日買垃圾返屋企,鬧到Helen喊,對方卻繼續狂鬧:「邊有人買垃圾!咩人咩眼光!」令她記到依家,193即叫她應該反駁對方:「咩眼光?我揀咗你呀咩眼光!」

戀講嘢 口罩小姐 戀講嘢 Cyndi大呻因為被前度花光現金,令她在旅途中買不到想買的東西。
Cyndi大呻因為被前度花光現金,令她在旅途中買不到想買的東西。(圖片來源:《戀講嘢》截圖)

戀講嘢 口罩小姐 戀講嘢 Helen憶述她曾經只是想在峇里買一個不算貴的魚缸,卻被前度鬧到喊。
Helen憶述她曾經只是想在峇里買一個不算貴的魚缸,卻被前度鬧到喊。(圖片來源:《戀講嘢》截圖)

193指Ex版本可能完全不同

Cyndi講到臨飛返香港前兩晚,兩人已不太想跟對方說話,夜晚更背對背瞓覺,無發生任何夜晚應該發的行為。最後Cyndi因為工作關係早走,之後男方返到香港,都無和她溝通,其後有物件要約出來交收時,男方都表現得好冷淡。最後她表示想和他傾傾,對方竟然直接說:「吓,你唔係都諗住分手嘅咩?」193指她最青春的時期都畀晒對方,但她說不能因為不甘心而繼續投資更多時間下去。193笑言可能遲些請個Ex上來,會講出另一個完全不同的版本。

戀講嘢 口罩小姐 戀講嘢 旅行完回港,Cyndi同前度的關係降到冰點,最終分手收場。
旅行完回港,Cyndi同前度的關係降到冰點,最終分手收場。(圖片來源:Cyndi)

戀講嘢 口罩小姐 戀講嘢 193笑指Cyndi的Ex的版本可能完全不同。
193笑指Cyndi的Ex的版本可能完全不同。(圖片來源:《戀講嘢》截圖)

戀講嘢 口罩小姐 戀講嘢 Cyndi最後留下一盞床頭拍拍燈,是兩人分手前,男方最後一次自己一個人出差時買給她的手信。
Cyndi最後留下一盞床頭拍拍燈,是兩人分手前,男方最後一次自己一個人出差時買給她的手信。(圖片來源:《戀講嘢》截圖)

網民狂鬧:成個怨婦咁

對於Cyndi今次剖白的分手之旅,網民竟然都一面倒狂鬧:「個女嘉賓完全唔掂,咩都自我中心,以為,諗住會!做佢下一個個男朋友肯定勁慘!」、「個女嘉賓好L難頂,成個怨婦咁數臭男方,話個Ex係大男人,但聽落反而覺得妳係港女要人跟晒妳嗰套行」、「感覺上個女仔麻煩過個男仔」、「我淨係覺得條女只係諗自己感受」、「成日都以為男仔係佢肚入面條蟲,你唔講我哋點知丫,下下都要人估,估估估估你老豆咩,睇少啲愛情片啦」等等。

戀講嘢 口罩小姐 戀講嘢 網民一面倒狂鬧Cyndi太過自我中心。
網民一面倒狂鬧Cyndi太過自我中心。(圖片來源:《戀講嘢》截圖)

戀講嘢 口罩小姐 戀講嘢 又話佢成個怨婦咁數臭男方。
又話佢成個怨婦咁數臭男方。(圖片來源:《戀講嘢》截圖)

《戀講野》男友致命罪行!唔夠細心激嬲女友! 花式自殺示範!凍到癲都要陪煲煙?

男女感受真係大不同?

還有什麼演唱會消息?

無論是本地歌手還是外地歌手都即將在香港舉行演唱會,即睇:演唱會時間表及購票資訊,包括MIRROR演唱會門票兌換安排容祖兒鄭秀文張學友鄭中基溫拿羅志祥等。

除了演唱會,還有什麼消閒娛樂活動?

喜愛宅在家的話,觀看Netflix劇集BL劇最好不過。如果喜歡外出走走的你,也可到這些室內好去處室內遊樂場、溜冰場、自助烘焙店等盡玩室內活動。想要親親大自然,也可到離島走一走,即睇:離島行程攻略或是行山,這些行山好去處路線簡易,新手也適合。

撰文:東方新地圖片來源:《戀講嘢》截圖、FB@ViuTV、《尾二一屆口罩小姐》截圖資料或影片來源:原文刊於東方新地