撰文：JessicaWong ｜資料來源：綠趣坊、興Sir露營資訊網、漁農自然及護理署
事發經過－－初三赤口@荔枝莊
綠趣坊版主表示，年初三帶小朋友去荔枝莊小溪玩水+野餐，遠遠傳來〈對你愛不完〉音樂，原來有人露營，溪邊更有人洗碗，水裏盡是剩菜殘羹，同時在近岸處上有人斬柴及煲水，一個場面已看到多處損害環境的舉動，實在令人憤怒－－
拍片前真實對話：
【紅衣女】呢度冇路，你哋想去邊？(陀地腔)
【拍片人】帶小朋友睇下魚仔啫！
【紅衣女】呢度冇魚！(趕客腔)
【拍片人】冇魚？ 我成日嚟㗎喎！
【紅衣女】我夠成日嚟啦！啲魚咬人㗎！
【拍片人】(忽然發現)你哋做乜斬樹根呀？ 棵樹會死㗎！?
【紅衣女】呢條樹根成日kick親人。
【拍片人】但係棵樹已經喺度幾十年喇噃！
【紅髮男】佢差啲 kick到我飛落河呀！
【拍片人】求下你哋唔好再斬啦！棵樹死㗎喇！?
（斬樹男繼續斬，其他人置若罔聞。）
【拍片人】咁我唯有拍片啦！(舉機)
（紅衣女速閃，斬樹男繼續斬。）
(12:02pm)黃衣女，溪中洗碗。
(12:05pm)斬樹男，忘我中。
(12:18pm)紅衣男，幫一把。
(12:20pm)大樹： 嗚！我的腳呀！換你來好不好？
(12:25pm)煲水男，速閃。
(12:30pm)紅衣女，速閃。
(12:37pm)郭富男，速閃。
阻止無效 只能拍片為證
片主鄒生表示，過程中是勸退不果，才決定拍片。除了斬樹，這群人更在草地生火、掉垃圾落河、超大聲播音樂。「希望鍾意大自然嘅大家，守番規則，leave no trace，如果要播音樂/夜晚開營燈，都盡量12點後收細音量、熄淨夠用嘅燈就算！」對於最終阻止不了大樹被傷害，他感到非常内疚及無奈，有網友留言表示應該報警，無奈該處非政府土地，報警亦無助，只能拍片呼籲後來者不要有樣學樣。
地質公園範圍 環境教育最佳場所
荔枝莊屬香港國家地質公園區，相傳曾有三棵主幹巨大的荔枝樹而得名。其碼頭以西岸邊展示着層層疊疊的沉積岩，是本地地質教育的好地方。要進入荔枝莊，從陸路到埗後越過村莊，沿溪步向碼頭就能見到數幅大型草地，較多露營人士亦欲前行，越過河的另一岸到另一草地紮營，環境不俗。
並非指定露營地點 紮營易造成污染
草地有樹包圍，而且有幾個巨型圾垃桶提供，營地水源為草地旁溪流及村內水喉。雖然是個理想露營地點，但此地非康文署指定露營地點，露營人士如往此地露營請自行考慮風險。