九龍海逸君綽酒店自助晚餐竟然最近供應阿拉斯加蟹腳,是又粗又甜的皇帝蟹蟹腳呀,鍾意食蟹的朋友真的不要錯過!而且九龍海逸君綽酒店一向都有即開生蠔,其他海鮮還有麵包蟹、龍蝦仔、青口、螺,平時自助餐一般只是提供松葉蟹腳,今次食到阿拉斯加蟹腳真係超有驚喜,狂攻「阿拉斯加蟹腳」+「生蠔」一定好快回到本。

蟹肉又粗又甜,提提大家最好 6:30pm 到,咁就可以第1輪搶到阿拉斯加蟹腳。

刺身選擇都多,包括有帶子、赤貝、甜蝦、八爪魚、鯛魚、蟹柳、油甘魚、吞拿魚、三文魚。

帶子夠晒大隻。

牛排都是他們招牌菜之一。

5 月份 Promenade 自助晚餐仲會輪流推出近 40 款味道正宗的泰國名菜,包括香茅烤雞、大蝦冬蔭功湯、粉絲蟹煲、泰式沙律、湯麵、串燒等等。

大蝦冬蔭功湯

沙律吧

甜品方便都要介紹一下,九龍海逸君綽酒店最出名是芒果拿破崙,入口鬆化。

逢星期一至五仲會有 live band 表演唱歌,歌聲真的幾好聽,氣氛十分之好。(當然,如果你對懷舊歌曲冇興趣,就未必覺得啱聽。)

餐廳的 20 吋落地大玻璃窗,可讓客人眺望維港景致。

相片不能 show 晒當晚的食物,不如大家看看以下視頻介紹啦~


泊車優惠

凡惠顧滿 HK$500或以上(每桌每單計算),可享酒店 2 小時免費泊車優惠

如何訂枱有折? 75 折訂位方法!
其實要有折扣,可以透過 Openrice 獲取優惠券 (網址按此),列印優惠券並於用餐前向餐廳店員出示,就可以有 8 折,適用於自助午餐和自助晚餐。

不過 8 折不是最勁的折扣,大家可以上以下官網網址,預訂 5 月份的自助餐並預先付款就會有 75 折添,網站顯示的價錢已包括加一服務費,5月份星期一至四自助晚餐成人每位 HK$483 (已包加一) 、小童/長者 HK$313 (已包加一) 、星期五至日自助晚餐成人每位價錢 HK$517(已包加一)、小童/長者 HK$347 (已包加一)。