近年首爾街頭出現了不少以「花」作為主題的咖啡廳,置身韓劇浪漫場景歎咖啡,好有少女感!最緊要是興起 花食熱潮 ,唔係食唧花造型甜品咁簡單,係食真嘅鮮花!飲品蛋糕的造型仲要超靚,post相share即刻吸引朋友高度關注!同大家介紹下3 大夢幻打卡咖啡廳,再同場加映1個絕對不能錯過的好節目!

圖片來源:GOtrip編輯部、新傳媒資料庫、韓國觀光公社官方網站

1)影不停!靚到唔捨得飲的花花latte

Florté Flower Café 位於弘大較憩靜的內街,齋睇外觀以為是花店,不過大門外的櫻花樹已驚現自拍人龍,室內仲正,事關店內少女全都戴住花環,個個花仙子般自拍,問一問先知原來是由店舖供應,勁貼心!

影完相記得不要錯過店內各種花花飲品,尤其以咖啡最出名,更全部都綴有食用鮮花,特別推介Flower Latte,入口微甜滿滿花香,杯中有朵紅玫瑰勁浪漫,真係靚到唔捨得飲!

飲品:Flower Latte

飲品:Laspberry Mojito

Florté Flower Café

地址:서울시마포구 신촌로6길 22 1층(首爾市麻浦區新村路6街22 )
電話:+82-(0)2-322-0122
營業時間:10:30am-11:00pm
交通:乘地鐵2號線弘大入口站 6號出口步行約5分鐘

2)變奏傳統韓食!春田花花拌飯

以為 花食熱潮 只得甜品?少年你太年輕了!雖然未誇張到是「鮮花泡菜」,但花花 x 傳統拌飯已經夠吸引!在益善洞的열두달,主打新派 fusion 韓菜,朴大廚希望用創意將韓國傳統食物發揚光大!最受歡迎的「春田花花拌飯」以食用鮮花代替平時的大豆芽、蔬菜等,配上流心太陽蛋,攪拌混合後滿滿蛋漿,鮮花不似蔬菜有苦澀味,食落勁清新,相機食先?唔使自拍,齋影拌飯已經令點擊率暴增啦!


열두달

地址:서울시 종로구 익선동 166-54(首爾市鐘路區益善洞166-154)
電話:+82-(0)70-4449-8225
營業時間:11:00am-11:00pm
交通:乘地鐵1號線鐘路三街站 4號出口步行約2分鐘

半日行程推介:首爾必睇「塗鴉秀」

去得鐘路三街站,又點可以唔去埋喺附近的首爾劇場?事關喺嗰度可以欣賞到被指係去首爾一定要睇的「塗鴉秀」。將舞蹈、喜劇、默劇和誇張的表情等各種藝術形式糅合一齊嘅表演秀,同時會即席創作畫作。完 show 後,大家仲可以把握時間,與演員合照 post 上網呃 like!

至抵小貼士:依家想去睇「塗鴉秀」嘅話,記得用 Visa 信用卡購買門票,因為可即享 8 折優惠,咁就更加要去觀賞啦!

3)超夢幻花食!幾朵鮮花插在蛋糕上!

外形勁夢幻的花環蛋糕,原來是出自日本過江龍 8b Dolce,品牌在大阪以卷蛋起家,而圓圈蛋糕則以水果為主,但被引進首爾後,立即改為用鮮花製作,「呃like」視覺效果滿分!咪以為「睇得唔食得」,入口勁有驚喜,雲呢拿蛋糕餅底鬆軟,鮮花啫喱淡又帶花香,食落口清甜唔膩口,1個人KO 1個完全冇問題!想繼續自拍?記得飲埋店中不同味道的花花梳打飲品,檸檬口味最透心涼,炎夏消暑一流!店員話由於食用鮮花未必日日有,所以想食,最好打電話問問先。



8b Dolce

地址:서울시 강남구 신사동 551-1(首爾市江南區新沙洞 551-1)
電話:+82-(0)2-542-0888
營業時間:10:30am-9:30pm
交通:乘地鐵3號線新沙站 8號出口步行約8分鐘


至抵小貼士:依家想去睇「塗鴉秀」嘅話,記得用 Visa 信用卡購買門票,因為可即享 8 折優惠,咁就更加要去觀賞啦!

想知更多去韓國首爾有咩 shopping、娛樂、住宿優惠?即 click:

最新的韓國入境要求詳情?

韓國宣布即日起至2月底,所有來自香港及澳門航班必須使用仁川國際機場降落, 即睇:韓國入境最新要求限制。在入境日本前,建議也可買定韓國電話卡,部分更有通話功能,以及選定心儀酒店

韓國首爾有什麼好玩推薦?

首爾美食多籮籮,即睇美食推介,而醬油蟹絕對是其中一樣必食美食;一人旅遊到首爾不知到哪覓食?大可到訪首爾可以一個人用餐的人氣獨食餐廳。玩樂方面,滑雪是不可錯過的活動,5大滑雪場適合新手一日遊,亦可到樂天世界大玩遊樂設施及韓服體驗。另外,也可用幾日時間到釜山玩返轉,即睇首爾去釜山交通懶人包。準備到首爾賞櫻花的大家,可預先一看首爾櫻花預測及賞櫻地點推介