歐洲保暖攻略2023丨歐美最近流行pack light的概念,常常有bloggers 教大家如何數件衫走天涯,捱過寒冷天氣。我上個月去了倫敦採訪,長時間處於室外,sorry,我唔會著「大媽」羽絨!今次總結出超級保暖攻略, 等大家又靚又輕便,對抗濕凍,睇下有咩tips啦!

 保暖攻略 記者Venus:下身我堅持唔穿「阿婆褲」(夾絨運動褲),裙加打孖襪褲幫到手。
記者Venus:下身我堅持唔穿「阿婆褲」(夾絨運動褲),裙加打孖襪褲幫到手。

歐洲保暖攻略2023丨抗濕凍 解構list

採訪時天氣 12月:3-7度

好似我咁死貪靚穿羊毛襟外套,為擋濕重、入風,打底要更狠,保暖底衫、襪全部成雙,怕冷可再加一件薄羽絨背心。如果下雪就乖乖穿防水外套啦!

  • 超薄保暖底衫X 2
  • 棉tee
  • 60%羊毛大衣
  • 密針絲襪+保暖leggings(運動型)
  • 羊毛A字裙
  • 腳底暖包

歐洲保暖攻略2023丨01 英倫外套 好睇唔暖  layers補救

上身重點:Layers!

最重要當然是layers!不少人知道「洋蔥式」著法,即是底衫+衛衣+外套,我上次就穿2件超薄保暖底衫+面衫+外套,可以襯一些slim少少的棉質面衫,於街上脫去外套影相,靚得來可頂到一陣。

 保暖攻略 打孖超薄底衫加棉衣,Slim啲啱影相,但在倫敦市中心的舊款地鐵會有點焗。
打孖超薄底衫加棉衣,slim啲啱影相,但在倫敦市中心的舊款地鐵會有點焗。

 保暖攻略 YES:必備低領保暖底衫
Yes:必備低領保暖底衫。

 保暖攻略 NO:粗針織毛衣唔慳位
No:粗針織毛衣唔慳位。

歐洲保暖攻略2023丨02 下身重點:著多幾對襪!襪!襪!

想穿裙子必選羊毛質地,內裡先穿一對薄絲襪,再加保暖leggings,最好是運動型防水的,即可保護弱弱膝蓋。如果真的好想show腳,可穿2對絲襪,再加下一個point介紹的方法……

 保暖攻略 YES:密針絲襪+Leggings保暖打孖上
Yes:密針絲襪+leggings保暖打孖上。

鞋襪

重點,請不要忽視襪!當地留學生Emma指,有時貪靚只穿絲襪,穿2對,再加對cashmere羊毛襪其實相當保暖。我當時就大意冇買羊毛襪,上機前臨時臨急買了腳底暖包,才救到一命,個喼仲慳咗好多位!

 保暖攻略 Emma是時裝設計系留學生,說腳底保暖是成功Secret!
Emma是時裝設計系留學生,說腳底保暖是成功secret!

 保暖攻略 YES:腳底暖包女人恩物
Yes:腳底暖包女人恩物。

 保暖攻略 NO:毛毛boots濕水即死
No:毛毛boots濕水即死。

歐洲保暖攻略2023丨03 防水防風 大帽子的真正用途?

如長時間在室外,建議選擇穿「GORE-TEX」布料的外套,防水防風,入面薄穿就可以。我今次穿了Roxy的防水夾棉外套,內裡有一個「隔風網」,攔腰扣上即可,一粒風都不入。

 保暖攻略 防水防風外套,現時修身款愈出愈多,Color仲好Sharp。
防水防風外套,現時收身款愈出愈多,color仲好sharp。

 保暖攻略 留學生Emma:此款大帽外套於英國街頭超常見,查實大帽子用途不只有型,更是一下雨就可供人笠住個頭,大範圍擋雨。  
留學生Emma:此款大帽外套於英國街頭超常見,查實大帽子用途不止有型,更是一下雨就可供人笠住個頭,大範圍擋雨。

其他女生旅行tips:

 保暖攻略 genius_t_banner

圖片來源:相關機構