接連兩星期long weekend,下次紅日要等到聖誕,好灰呀!不過每年年尾大家都天經地義清大假,可以趁呢個香港航空突發劈價考慮番~

text:  GOtrip格價王

香港航空一連三日推出快閃優惠,票假超級靚仔,清假首選台北史無前例劈至$550來回,其他地方機票:三亞、海口來回$580、宮崎$1,500、鹿兒島$1,650,即將於11月10日開通的新西蘭奧克蘭航線亦有減價,來回只要$3,550起,今次劈價都劈得幾盡!

清假首選台北來回連稅只係$884,短飛幾日食個麻辣鍋逛下市集最好不過!格價王試訂,發現12月尚有大量底價機票,$550飛台北不是夢!

 

不過再撳入去睇,發現$550機票當然時間冇咁靚仔,每日大約4班來回航班中,只可選中午機去、中午機返,好彩嘅係,唔使早機返咁嘥時間。

 

如果要用盡落地時間早去晚返,機票要$820連埋稅$1,154,OK啦!

 

至於九州宮崎鹿兒島,分別賣$1,500/$1,650確係抵(連稅$1,710/$1,860),不過未做到open jaw,而且平價機票的出發日期所剩無幾。

 

新航點奧克蘭,平時直航劈盡未連稅都要5、6千,今次開賣$3,550平近40%!上網查過機位都唔少,機票有效期仲有14日,可以趁南半球入夏玩晒南北島!

 

香港航空限時優惠
售賣日期:2016年10月10至12日
旅遊日期:2016年10月17日至12月17日
訂票網址:按此