雖然 日本LEGOLAND 仲有個半月先開幕，但近兩星期唔少日本傳媒已經搶先進入 日本LEGOLAND 拍攝採訪，加上官方不斷發放園區新相，愈來愈多細節流出，明顯引入好多馬來西亞都冇嘅設施，仲有全球獨家遊戲添！所以我哋整合咗一份新的必玩攻略，等一眾積木迷止止渴，計劃定樂園必玩路線！

text：mini tomato

01 | 全球獨家！Pino雪糕咖啡杯 Imagination Celebration

LEGOLAND少有地同其他牌子玩crossover，今次就搵嚟日本細路最愛的朱古力脆皮雪糕品牌Pino，變成一個個紅白色旋轉咖啡杯。同場仲有雪糕車賣盒裝雪糕，而且每盒都會送特別版Pino LEGO積木，fans必儲！

02 | 積木生成記 LEGO Factory Tour

大細路積木迷最開心，莫過於將原裝LEGO Factory Tour搬嚟 日本LEGOLAND 啦！成個Tour係一條簡單化嘅LEGO生產線，可以見證積木同人仔由頭到尾嘅製作過程，臨走仲可以攞走一塊新鮮啤出嚟嘅LEGO brick作為留念。睇番美國加州、德國等地的紀念積木款式都唔同，日本版相當有紀念價值！

03 | DUPLO旋轉木馬 Brick Party

睇番美國兩個LEGOLAND都有兩層高嘅旋轉木馬，小朋友終於唔使得個恨字，依家去 日本LEGOLAND 都可以玩到！雖則冇兩層咁fancy，但係木馬就變成DUPLO砌出嚟嘅老虎、雀仔、電單車等等，顏色七彩繽紛，一進入園區就會見到，記得玩咗先繼續行！

 

【回る回るブリック・パーティ♪】 「LEGOLAND®️ Japan」建設現場では、2歳から12歳までのお子さまとそのご家族皆さまにお楽しみいただけるアトラクションの準備が進んでいます。本日は「Brick Party（ブリック・パーティ）」の動画をお届け！金網越しですが、楽しく回る様子を見ることができます！！またひとつ完成が楽しみなアトラクションが増えました♪ ・・・ #レゴ #レゴランド #レゴランドジャパン #テーマパーク #名古屋 #日本初上陸 #建設現場 #ブリック・パーティ #LEGO #LEGOLAND #LEGOLANDJAPAN #awesomeawaits #themepark #nagoya

 

A post shared by LEGOLAND®️ Japan Official (@legolandjapan) on Nov 28, 2016 at 1:57am PST

04 | 輕量級海盜船 Anchors Away！

日本LEGOLAND 官方啱啱出咗新相，喺正觀光塔隔籬就有海盜船玩，不過刺激程度只屬BB級，小朋友玩都唔會驚，唔似美國嘅搖擺幅度咁大，啱晒爸爸媽媽同細路一齊玩。

【船長に勇姿をみせつけろ！】 「ANCHORS AWAY!（アンカー・アウェイ！）」では、前後左右に揺れ動く海賊船に乗り込もう。うまくバランスがとれるかな！？さあ出航だ！ ・・・ #レゴ #レゴランド #レゴランドジャパン #テーマパーク #名古屋 #日本初上陸 #LEGO #LEGOLAND #LEGOLANDJAPAN #awesomeawaits #themepark #nagoya A post shared by LEGOLAND®️ Japan Official (@legolandjapan) on Feb 15, 2017 at 2:28am PST

05 | 潛入海底世界 Submarine Adventure

英國同杜拜先有的潛水艇都降臨 日本LEGOLAND ！Submarine Adventure畀你坐入潛水艇漫遊海底世界，睇珊瑚睇魔鬼魚之外，當然唔少得大大小小嘅LEGO裝飾。