今時今日,幾百蚊去轉日韓台已經唔係幻想,即興起行幾咁容易,但想搵埋班豬朋狗友夾假先係難事。冇fd 陪你?索性自己去玩啦!台灣近年開咗唔少 膠囊旅館 ,啱晒你呢班冇朋友嘅孤獨精,平得嚟又環境唔差,以後用自己方式去旅遊就方便得多!

01|台北車站前型格膠囊  性價比完勝!(每晚$203)

啱邊個:單身潮人、想喺旅程識下新朋友
台灣由於消防法例規定,膠囊旅館唔可以起到一個個密封嘅太空艙咁,取而代之是將大房分成多個獨立床位。不過瞓床位亦唔代表要搞到hostel 咁全無私人空間。去年中才開業、位置喺正台北車站、新光三越對面的「璞邸城市膠囊旅店」,就係集型格、地利同舒適於一身的選擇!
用Hotels.Combined預訂

「我們主打的是單身旅客,在hostel 和酒店之間給他們另一選擇。」老闆張氏夫妻將理念付諸實行,床位加闊成2m x 1.1m 的歐洲肥人標準,內裏有齊插頭、衣架同壁燈,記者親身試住,隔光窗簾一拉下,就是與世隔絕的空間;廁所浴室雖是公用,但每小時有專人巡視打掃,乾淨過我屋企;沖完涼,把行李鎖在儲物櫃,一頭栽進被窩,一身鬆也。
老闆話1個人旅行是場冒險,白天闖得累了,晚上正好安穩瞓番覺;靜同企理,是我對這裏的最深印象。
用Hotels.Combined預訂

老闆親自操刀,公共空間設計特別

記者親試評分!

地點:22/25
9成人去台北,一出機場就坐巴士直出台北車站總站,而旅館就喺正總站兩個街口的重慶南路一段,行兩個騎樓底就到,落雨都唔怕。
外觀:20/25
旅館豪爽地劃出地下全層及1樓半層做公共空間,走Pop Art設計,靚過同區3星套票酒店!
設備:23/25
床位闊落、隔音好、公共浴廁乾淨,且每人都獲分1個超大locker,放記者的28吋行李箱加埋書包後都仲有好多位,幾乎無可挑剔。美中不足是冷氣晚上頗凍,要扣少少分。
價格:25/25
以雙人床床位(閒適雙人床)每晚共340元來計,在台北只能住到樓齡20年以上、毫無個性的3星酒店,相比之下,這裏抵住好多。

總分:90
總評:平過重慶大廈賓館嘅價錢,有比外國hostel更企理嘅住宿;而且住客更可任飲汽水可樂,簡直係毒L天國的福音。
用Hotels.Combined預訂

璞邸城市膠囊旅店
地址:台北市中正區重慶南路一段7號(顯示地圖
電話:+886(0)-2- 2381- 5566
房價:大房單人床位 每人NT790/HK$203
閒適雙人床床位 NT1,321/HK$340
交通:台北車站站前地下街Z8出口,向南行5分鐘即可到達
網址:bouti.com.tw
用Hotels.Combined預訂

02|西門町內獨佔1間房 贏地利!(每晚$252)

啱邊個:自閉毒L、死都唔想同人講嘢
就算西門町去過幾多次,去親台北,總會去打番個轉買手信,原來區內都有超平單人旅館嘅選擇。2014 年中落成的「卡樂町旅店」,位置喺正西門紅樓後面,行過誠品西門店都不過3分鐘;而且同一般膠囊旅館唔同,「卡樂町」提供的是1人獨立房間!冇錯,200多港元的價錢,就可住入上面這間約80平方呎的單人房,更加有齊電視、書枱、獨立冷氣等「奢侈」設備,想要完完全全不受騷擾瞓番晚,「卡樂町」就啱數。

記者親試評分!

酒店是由舊樓改建出來,4層客房冇電梯,當日攞住大喼行李嘅記者上樓都幾吃力;另外房內裝飾簡約到接近冇,床位都只係普通單人床size,瞓落亦冇上1間「璞邸膠囊」咁舒服,但勝在廁所一樣乾淨。想平住獨立房,又想喺正西門町,係有啲取捨。

用Hotels.Combined預訂

試住專員 Daniel
總分:76
總評:地利絕好,「卡樂町」一行出來就是西門紅樓, 離捷運站不過3分鐘步程,拖住行李都唔使驚。不過配套同設計就一般,乾淨到有些微似醫院!如果只係想搵個平靚方便嘅落腳位,亦唔介意自閉,呢度一流。
卡樂町旅店
地址:台北市萬華區內江街55巷22號(顯示地圖
電話:+886(0)-2- 2382-6000
房價:hotels.com訂房,單人房每晚$252(平日)
交通:捷運西門站西門紅樓出口,沿成都路步行3分鐘
網址:http://www.colormixhotel.com/room.html?rid=21

用Hotels.Combined預訂

03|新北市膠囊選擇 送早餐

每晚$ 250(女性單人房)/$162(男性單人房)
啱邊個:窮苦學生、長期浪遊窮酸客或獨女
若然你想慳家到連早餐都唔想俾錢,又唔介意住遠些少,不妨考慮新北市板橋的「Single Inn 」。板橋喺台北,大概等於香港嘅葵涌、大窩口,講地利就肯定輸蝕俾前兩間,但勝在近捷運站,到台北車站約20分鐘就得。免費早餐方面,包三文治多士同咖啡紅茶,即叫即整都好飽肚。
房間面積約近120呎,不過只屬板間房設計,天花由於裝設中央冷氣做通風口,因而不能密封,私密程度一般,記者試住當晚,有人行過走廊都會聽到腳步聲。不過好處是全棟男女分層,單身上路的女獨行人,肯定可以住得更放心。

包早餐,夠方便

試住專員 Daniel
總分:66
總評:地點唔近台北市中心,但勝在夠平同埋服務態度親切,住兩周以上還可獲得折扣優惠,適合長時間留喺台北玩嘅旅人!
Single Inn
地址:新北市板橋區明德街1巷12號(顯示地圖
電話:+886(0)-2- 2969 1777
房價:單人房 每晚NT970/HK$250(女性單人房);NT630 /$162(男性單人房)
交通:捷運府中站出口沿府中路步行7分鐘
網址:singleinn.com.tw
用Hotels.Combined預訂

下一頁:2017 台北新酒店 清單 |捷運沿線超方便之選

延伸閱讀:台北去 十分 、 九份 再去 基隆交通全攻略(附基隆夜市資料)

出發台北旅遊前要有什麼準備?

當然要了解清楚台灣開關的最新入境規定!其次就是買機票,編輯親身為大家體驗中華航空與長榮航空,比較兩者的環境、食物及空姐的服務。最後就是要決定酒店住宿,即睇:台北酒店推介

台北有什麼必去景點?

到台北絕不容錯過台北夜市,當中推薦寧夏夜市、饒河夜市等8大夜市掃街;也可參考台北自由行3日2夜,去勻所有必去景點!