日本最南端之沖繩再南面的石垣島,海水透明度極高! 八重山海域有不少海中沙洲,平時藏匿大海,只在退潮時出現,好夢幻!多得Google、打卡功能, 石垣無人島  才得以曝光!我月前就實測了2個local tour,分別去闖「幻之島」、「バラス島」2大人氣沙洲。究竟可唔可靠?抵唔抵玩?石垣由5月至10月都是理想的到訪季節,大家睇定有咩玩啦!

採訪:


 | 圖片:Kwanyiu | 鳴謝:HK Express

石垣一天團闖「バラス島」

Q1 | 「バラス島」在哪裡?

「バラス島」(Barasu Island)是人氣愈來愈強之海中沙洲,位於西表島與鳩間島之間。「バラス島」的美,全因為由白色珊瑚石沖積成洲,令淺灘水波晃晃,簡直如天然打燈師。

Q2 | 如何前往「バラス島」(Barasu Island)?

我們就實測了旅行社的local tour全日團,幫你安排好交通接駁、膳食及水上活動,最重要是由具豐富出海經驗的船長帶路!

一大清早就8:15am搖船,先由石垣碼頭乘約45分鐘船至西表島。集齊參加者後,整理一下裝備,轉艇仔出發。

只消15分鐘,我便眺望到海中鋪著薄薄一層白沙!艇仔「咔嚓」一聲就靠岸了。What?全程身都不用濕、妝都不用補。

Q3 | 島上有咩玩?

拍照、浮潛是一定啦!一到達時,資深船家卻說水漲太厲害,暗藏危險,大家只可逗留拍照15分鐘。之後我們去了其他地方浮潛,午後重登沙洲約1小時,水退了不少。

團友們一試「超貼地」浮潛,大家都極hyper!我們就繼續狂影,由沙洲一直向外澗水20米都仍未浸過心口,可以由遠處影晒全個無人島。

好在我自備防滑膠鞋,攝影師只穿了涼鞋踩中石仔爆血,但眼見有如馬爾代夫閃令令的玻璃水,忍痛都要影!

記者點評!「バラス島」(Barasu Island)

好影度:★★★★★
水好淺,沙洲一直向外延伸,可以行出啲影晒全個無人島,加無敵玻璃水。

好玩度:★★★☆☆
浮潛都好好feel嘅。

易搶灘度:★★★★★
由於「バラス島」沙堆集中,就算是水退時,船隻亦較易靠岸,唔使濕身搶灘。

方便度:★★★☆☆
「バラス島」與西表島(八重山海域另一大島嶼)較近,絕少local tour直接由石垣島飛艇前往,所以要預早乘船至西表島集合再出發。因而多數是一天團,半天不夠玩。

(島二)半天團闖「幻之島」

Q1 | 「幻之島」喺邊?

「幻之島」與石垣較近,由碼頭出發只要約25分鐘。

Q2 | 點去?

今次非參加旅行社,而是實測「地頭蟲」船家營運模式之半天團。船家晨早流流來到碼頭附近的酒店接我們,十分貼心,再到避風港上艇仔出發。坐坐下,船家遙指:「到喇到喇!」到咗?我咩都見唔到。原來因為「幻之島」沙堆較散渙扁平,幾乎與水平線重疊,即使小船都不能駛近,一定要澗水而行。

成功靠苦幹,惟有少女下海啦!我腳短,一落水浸到心口,風又大石又尖,步步為艱5分鐘,終於含淚搶灘!

Q3 | 島上有咩玩?

一登上「幻之島」,立即見到條美人魚生勾勾橫攤沙上。對,這才是我的真正目標!近來沖繩興起扮美人魚熱潮,見到女神魚、猛男魚、BB魚瘋狂打卡。石垣愈來愈多local tour一雞兩味,帶遊人去探無人島,順勢扮美人魚,感受賣萌之樂,why not?

船家還會一腳踢做埋攝影師,見手勢都算過骨,不用怕男友影極都唔靚啦!由於報了半天團,於島上只可逗留約1小時,攝影師影到最後一分鐘,夏日寫真放送,真係人一世物一世~

記者點評「幻之島」

好影度:★★★☆☆
「幻之島」比「バラス島」起碼大一倍,更隱藏於水平線,有點難影晒全個孤島feel。

好玩度:★★★★☆
有得扮下美人魚,浮潛以外叫有多個玩法,面積大啲又可以跑跑跳跳hea下。

易搶灘度:★★★☆☆
點都要澗水行3-4分鐘左右。珊瑚石好尖,登島時最好穿著水上運動鞋。

方便度:★★★★☆
比較近石垣島,可慳至少1小時乘船時間,非超級浮潛發燒友就最啱。

一天團闖「バラス島」

價錢:大人16,500円/HK$1,278;小童12,900円/HK$1,006
行程: 石垣島→西表島(轉船)→バラス島(拍照)→附近水域浮潛→鳩間島(午餐及觀光)→バラス島(浮潛)

電話:+81-(0)980-82-6711
備註:須於出發前3天報名
網址:www.hirata-group.co.jp(平田觀光)

半天團「幻之島」扮美人魚

價錢:8,000円/HK$624
行程: 石垣島→幻之島(扮美人魚、拍照)→附近水域浮潛
電話:+81-(0)80-3133-8159
備註:須於出發前3天報名
網址: sevenseas74-isigakizima.com
(Seven Seas)

其他採訪內容:

最新的日本入境及疫苗要求詳情?

在入境日本前,建議先用Visit Japan Web完成一部分檢疫手續,便能更快速地入境日本,即睇使用教學,例如註冊步驟及同行家人如何填寫等,以及買定日本電話卡。而日本回港時,香港政府早前都發表了最新的香港入境檢疫措施。立即看。

去沖繩有什麼好去處及景點推介?

日本沖繩旅遊當然要遊覽水族館,包括沖繩最出名的美麗海水族館,及最新的DMM Kariyushi水族館,就座落於沖繩那霸機場旁,除了有大量影靚相打卡位外,還有與動物接觸的機會!當然,去沖繩又怎可以不去Outlet購物?即睇:4大Outlet推介