唔怕誇張講句,我杜遊珍搭飛機仲多過食飯,但入行咁耐,都未有機會去北韓見識吓,坐一坐嗰架以「世界上最難食飛機餐」聞名的高麗航空,點解杜遊珍無端端咁講?純粹係睇到位姊妹喺面書「些牙」出來的宣傳短片。

01) 拍爛片睇螺旋槳

話說北韓自金正恩主政後,不時表面懶 Open,好似破天荒批准當地電視台轉播倫敦奧運,等班國民都可以開心吓,至於呢條面書熱傳的宣傳片,作用就係硬銷吓國營航空公司的形象。短片全長4分31秒,拍攝咗客機「伊留辛18」(Ilyushin 18)由平壤順安國際機場出發,飛到定平郡善德機場的過程。即刻重溫一下:

https://www.youtube.com/watch?v=cti5uW8z754

不過,睇完成條片,只能驚歎拍攝手法實在太「新穎」,事關除咗有紅裙空姐以英語「Hi」、「Hello」向乘客打招呼、示範逃生全須知,以及機艙和駕駛室等零碎畫面外,其餘三分二時間,鏡頭都係影住機艙外的螺旋槳!最離奇係片段有部分為現場收音、有部分則完全無聲,相比起其他大型航空公司的廣告,完全係小學雞級數,唔係杜遊珍刻薄,北韓要提升國家形象,有啲錢真係要畀人賺!

02) 換低胸短裙制服

高麗航空 空姐的鮮紅制服除咗夠喜慶之外,都無其他形容詞可以讚美。好在北韓領袖金正恩決意一改娘氣,換哂啲低胸短裙,全新形象好好多啦。

03) 全新好味飛機餐

除了仲用緊冷戰時期的「伊留辛18」(Ilyushin 18)飛機, 高麗航空 嘅飛機餐是賣相欠佳、口味難食之最,但自從換咗新餐單後,乘客都大讚好味!

洪永城不會告訴你 北韓水上樂園6個傳說

【 北韓平壤 】 6 天交流團 $7,850 睇真啲《遙遠的地方》

最新的韓國入境要求詳情?

韓國宣布即日起至2月底,所有來自香港及澳門航班必須使用仁川國際機場降落, 即睇:韓國入境最新要求限制。在入境日本前,建議也可買定韓國電話卡,部分更有通話功能,以及選定心儀酒店

韓國首爾有什麼好玩推薦?

首爾美食多籮籮,即睇美食推介,而醬油蟹絕對是其中一樣必食美食;一人旅遊到首爾不知到哪覓食?大可到訪首爾可以一個人用餐的人氣獨食餐廳。玩樂方面,滑雪是不可錯過的活動,5大滑雪場適合新手一日遊,亦可到樂天世界大玩遊樂設施及韓服體驗。另外,也可用幾日時間到釜山玩返轉,即睇首爾去釜山交通懶人包。準備到首爾賞櫻花的大家,可預先一看首爾櫻花預測及賞櫻地點推介