unnamed

澳門居民有份!2016台灣觀光局「機票飛三送一」詳情大公開 | Travelpop

唔知各位仲記唔記得年頭嘅時候,同大家預告過台灣觀光局機票「飛三送一」優惠呢?繼上年推出之後,反應非常熱烈,今年決定再接再厲!今年申請日期由5月9日至9月30日,究竟為咗呢個優惠你地可以去到幾盡?會唔會去寶島次數仲多過去香港離島。

首先有兩個好消息送俾大家;其一就係今年名額增加了1000個,由原來3000名增加至4000名,其二係為咗答謝澳門居民,今次澳門居民都納入活動範圍,唔再只係港人福利喇!

今年嘅玩法同上年差無幾,只要於2016年1月1日至8月31日期間,去夠三次去台灣就過咗「飛三送一」優惠嘅入場門檻喇!呢點對於大家一啲難度都無,半年內去下台北、台中,台南都夠三次喇!反而叫大家搵齊以下文件會難啲;

一.六張香港/澳門至台灣登機證,以下是登機證要注意的事項:

  1. 該機票都必須由香港或澳門出發,由台北/台中/台南/高雄/台東/澎湖返回香港,不限航空公司。
    (即係如果我於台灣轉機,申請張台證出去玩返半日,咁都當係一次喇!)
  2. 由香港出發之遊輪,行經或目的地為台灣者,該行程之房卡亦可視為一次來回登機證。
  3. 若遺失了登機證,請您向所屬的航空公司申請證明書,並持「正本」做出申請。
  4. 電子或手機登機證亦可申請,但若六張皆為手機或電子登機證,必須附上三張各旅程的入台證。
  5. 登機證每趟來回只能選一次使用手機登機證。
  6. 申請者盡量試用紙本登機證。

二.與登機證相對應的入台證,以下是入台證要注意的事項:

  1. 必須用正本入台證申請
  2. 此入台證必須為三次或四次旅遊期間的其中一次(配合登機證所示)。
  3. 若沒有留下紙本入台證,請向台北經濟文化辦事處服務組申請入出境證明正本(香港:+852-2525-8316、澳門:+853-2830-6289)進行申請。
  4. 若持有台灣居留入出境證,請檢附護照資料頁及三次來回入境出境章的頁面(需與登機證時間吻合)。
  5. 若以他國護照入境台灣,請檢附護照資料頁及及三次來回入境出境章的頁面(需與登機證時間吻合)。

三.本地回郵信封連$1.7郵票(本港)

四.填妥的申請表格,包括已揀選航空公司;

  1. 持有特區護照或BNO(以網絡入台證及紙本入台證或是多次入出境證者):第一次申請-https://goo.gl/SRLzq0、第二次或第三次申請-https://goo.gl/G1X0z3
  2. 持其他國家護照並擁有香港及澳門身份證:第一次申請-https://goo.gl/zTK9Mz、第二次或第三次申請-https://goo.gl/Q47xCl

今年每人最多兌換3次!雖然可以郵寄到台灣觀光協會駐港辦事處,但都係建議親身辦理會安全啲,因為寄失咗,對方恕不負責!成功遞交,就可以得到免費台灣機票一張,先到先得,送完bye bye。

換咗之後,唔好咁快開心住,因為以下嘅規則都要一一遵守:

  1. 兌換券不得兌換現金、不得轉售,不得改名,遺失不予補發;機場稅、燃油附加費等相關稅金並以現金支付,需於10月31日前出票,停留期限為2至7日。
  2. 出發日期由即日起至6月7日、6月13日至6月25日、9月1日至9月14日、9月19日至9月25日,10月12日至11月30日。機票禁止任何變動。
  3. 停留期限為2至7日,不可轉讓其他航空公司、不得更改行程、亦不得辦理退票。
  4. 建議於出發前一個月預先訂位,並於訂位截止時間持本兌換券向航空公司香港/澳門票務櫃檯換購機票。

台灣觀光局的好事又點知一單咁少,除咗送機票,連住宿都免費送。為咗感謝一眾勞苦功高的人士,包括:醫護人員、紀律部隊、老師、大眾運輸從業人員(港鐵與機場員工)、媒體記者、旅遊從業人員、義工、殘疾人士、留台畢業生。只要連續入住兩晚或以上參與優惠計劃嘅酒店民宿,即可獲享一晚免費住宿安排。合資格人士記住帶齊身份證明文件同職業資格證到各大旅行社報名喇!以下是參與優惠計劃嘅酒店民宿-https://goo.gl/Qmyclc

如果睇完仲係唔識填,咁就跟住以下的申請表格範本填喇-http://goo.gl/tcQb21

幫大家分析咗一次玩法,小編感嘆這些機會不是屬於我的,所以你地又少一個神一樣的對手喇!不過難得人家送埋入場券俾你去台灣吃喝玩樂,當然咪走雞喇,快啲share埋呢個好消息俾親朋好友,齊齊換喇!

台灣觀光局香港辦事處

Facebook:It’s Time for Taiwan – Hong Kong and Macau
辦公室地址:香港九龍尖沙咀廣東道30號新港中心第二座10樓1010室(尖沙咀站A1出口)
辦公時間:星期一至星期五9:00 – 17:00
詢問電郵:[email protected]
詢問電話:2581-0933

延伸閱讀

台灣值得一去再去9個原因

台灣 4 大航點平價分析

旅居台灣的6個小貼士

快閃台灣48小時【小琉球篇】

相關文章