雖然係澳洲旅遊局日本分舵公布的活動，不過這個名為「GIGA Selfie」的自拍體驗，似乎人人都可以參加！今次自拍任務玩法非常簡單，遊客只要站在官方預先公布的 GIGA Selfie Spot，用手機應用程式遙遠控制數百米以外的攝影機進行自拍，就可以將接近50億像素超高清圖片發送到你指定電郵，然後分享到各大社交媒體之上！
一眼睇晒最經典澳洲景點，又可以可隨意放大影到粒米一樣的自己，一舉兩得！
今次超級自拍，遊客跟攝影機相距接近百五米的範圍，要靠官方手機 GIGA Selfie app先可以感應得到攝影機！（編按：不過目前仍未透露如何下載應用程式，是否日本限定，仍是未知數！）即睇示範：
見唔見到主角呀？！
碼頭上面就係自拍cam，足足百幾米遠，果然係最遙遠的距離！
傳送到手機之後，就可以拉拉拉拉大，搵返自己！
根據官方示範，可以足足拉大到成千倍，都無起格！
個表情清楚到，連咬唇個含笑樣都睇得到！
下一頁：首輪地點公布！50億像素黃金海岸影法解構
澳洲旅遊局日本Facebook官方專頁顯示，該活動將於9月5至6日在黃金海岸開始第一炮。影片還示範了十二門徒石等地標，若果大家嚟梗會去澳洲，就千祈唔好錯過！
根據攝影網站分析，其實所謂的「 50 億像素」係由澳洲旅遊局預先合成的套餐相片，即是說背景圖片一早就好似電腦Wallpaper一樣早就準備好，至於由遊客站立框框內的拍攝範圍，才是每次Key入去的真正畫面（但係不同天氣又會如何自調校光暗呢？就真係要玩咗先知！），呢一場併湊 50 億像素的掩眼法，無論如何也是十分搶眼的玩意！
1st GIGA Selfie Event
│舉行日期│2015年9月5日-6日（其餘階段將於官方網站公布）
│時 間│11am~4pm
│地 點│黃金海岸Surfers Paradise
│活動網址│www.gigaselfie.jp